اسلام آباد ۔ 19 جون (اے پی پی) پاکستان اتے برطانیہ وچال ڈوطرفہ ا??تص??دی تعلقات،عوامی را??طے ،بزنس تے ثقافتی تعاون بیا ودھاونڑاتے اتفاق کیتے۔ ایہ اتفاق رائے گزریل ڈینھ وزیر خارجہ مخدوم شاہ محمود قریشی دی دارلعوام اچ لبرل ڈیموکریٹس دے رہنماسر وینس کیبل نال ملاقات اچ کیتا گیا۔ بدھ کوں دفتر خارجہ دے ترجم??ن مطابق فریقین ایں گالھ تے وی اتفاق کیتا جو ڈوہائیں ملکاں وچال ڈوطرفہ تعلقات خاص کر تجارت، سرمایہ کاری، سیاحت، صحت اتے تعلیم دے شعبیں اچ تعاون کوں بیا ودھاونڑ دی ضرورت ہے۔ وزیر خارجہ سر وینس کیبل کوں سماجی سیکٹر اچ سرمایہ کاری دے ذریعے انسانی ترقی توں متعلق حکومتی پالیسیاں، پاکستان اچ ا??تص??دی مواقع اتے خصوصی ا??تص??دی زونز بارے ڈسایا۔ شاہ محمود قریشی پاکستان دی جغرافیائی اہمیت کوں وی اجاگر کیتا۔ملاقات اچ لبرل ڈیموکریٹک رہنما سر وینس کیبل، لارڈ ڈک نیوبی?? ظفرحق، الیکس ڈیوس،کلودگ ہگنسن اور ایمی واوچر شریک ہن۔ ایں موقع تے پاک برطانیہ ڈوطرفہ تعلقات، ا??تص??دی تعاون سمیت سانجھی دلچسپی دے امور تے گالھ مہاڑ کیتی گی ۔ وزیر خارجہ مخدوم شاہ محمود قریشی برطانوی دارالحکومت اچ یورپی یونین دے حالیہ الیکشن اچ لبرل ڈیموکریٹس دی جیت تے انہاں کوں مبارخباد ڈتی۔ وزیر خارجہ آکھیا جو پاکستان برطانیہ دے نال ڈوطرفہ تعلقات کوں وڈی قدر ڈیندے۔ برطانوی پارلیمنٹیرینز فروری اچ ہاوس آف کامنز اچ منعقدہ جموں تے کشمیر کانفرنس اچ پاکستانی موقف دی تائید کیتی۔ وزیر خارجہ آکھیا جومقبوضہ جموں و کشمیر اچ بھارت ولوں جاری انسانی حقوق دی سنگین خلاف ورزیاں دے خلاف گالھ کرنڑ اتے سانجھی قرارداد منظور کراونڑ تے برطانوی پارلیمنٹیرینز دے شکر گزار ہسے۔ انہاں آکھیا جو پاکستان برطانیہ دے نال ڈوطرفہ تعلقات کو ں بیا ودھاونڑچاہندے، ڈوہائیں ملکاں وچال منی لانڈرنگ، سنگین جرائم روکنڑ، انسانی سمگلنگ روکنڑ سمیت سانجھی دلچسپی دے ودھ سارے امور تے ڈوطرفہ تعاون خوشی دی گالھ ہے۔ لبرل ڈیموکریٹک رہنماواں وزیر خارجہ کوں ڈوہائیں ملکاں وچال تجارت دے ودھارے سمیت سانجھی دلچسپی دے امور تے ہر تعاون دا یقین ڈیوایا۔
وزیر خارجہ مخدوم شاہ محمود قریشی دی لبرل ڈیموکریٹس دے رہنماسر وینس کیبل نال ملاقات
مضمون کا ماخذ : نتیجہ بہت زیادہ
متعلقہ مضامین
