اسلام آباد10اګست (اے پي پي) د عراق خارجه وزير ډاكټر فواد حسېن به د خارجه وزير شاه محمود قريشي په بلنه ﴿نن﴾ د شورو په ورځ په دوه ورځنې دوره پاكستان ته راځي. د خارجه دفتر له مخې د دورې په مهال به دواړه خارجه وزير د دوه اړخيزه اړيكو په ټولو اړخونو خبرې كوي. دوي به د ګڼ اړخيزه تنظيمونو او په خاص توګه د ملګرو ملتونو او د اسلامي مرستې تنظيم ﴿او آئي سي﴾ په كچه هم د شريكې مرستې جاج اخلي. خارجه وزيران به د اسلامي امت ستونزو سره سره په مهمو سيمه ايزو او نړيوالو ستونزو مشوره هم كوي. د عراق خارجه وزير به د پاكستان مشرتابه او نورو اعلٰی چارواكو سره ملاقاتونه كوي. پاكستان او عراق د ورورولۍ اړيكې لري، دا اړيكې د شريك مذهب او كلتور په قوي بنيادونو ولاړې دي. پاكستان دې اړيكو ته ډېر اهميت وركوي او په بېلا بېلو څانګو كښې د شريكې مرستې زياتولو عزم لري
مضمون کا ماخذ : prêmios dupla sena
