اسلام آباد۔ 29 دسمبر(اے پی پی) صدر ډاكټر عارف علوی وئيلي دي حکومت د ټولنې محرومو طبقو خېر ښېګړې له پرله پسې هڅې كوي۔ د خصوصي وګړو بحالي او د دوي معاشي خپلواكي د حكومت په اولنو ترجيحاتو كښې شامل ده۔ حكومت به د احساس پروګرام ترسېوري لاندې 20 لكه خصوصي وګړو سره مالي مرسته كوي۔ دوي ته به كاروبار لپاره د كامياب جوان پروګرام د لارې قرض وركولے شي۔ ميډيا دې د خصوصي وګړو خېر ښېګړې له د اړوندو ګامونو په بابله شعوربېدار كړي او ټولنه كښې د دوي په اړه د رامخې ته كېدونكو تعصباتو مخنيوي له دې خپل كردار ترسره كړي۔ د دې خيالاتو څرګندونه هغه د نهې په ورځ ايوان صدر كښې خصوصي وګړو له د خصوصي وهيل چيئرز وركولو دستورې ته خطاب كښې وكړه۔ دستوره كښې 100 خصوصي وګړو له په ځانګړي ډول جوړ كړي خصوصي وھيل چيئرز وركړے شول۔ دا دستوره د آذربائیجان د حېدر علی فاؤنډېشن په مرسته وكړې شوه۔ دستوره كښې د صدر ډاکټر عارف علوی مېرمنې بېګم ثمینه علوي ، پاکستان كښې د آذربائیجان سفیر علي علیزادہ ، خصوصی وګړو ٬ د میډیا او سول سوسائټی نمائندګانو ګډون كولو۔ صدر خپل خطاب كښې ووئيل د خصوصي وګړو خېر ښېګړه او بحالي زمونږ د ټولو مذهبي او اخلاقي ذمه واري ده۔ حكومت د خصوصي وګړو د ټولنې فعاله غړو جوړولو له هڅې كوي۔ هغه ووئيل د سماعت او بصارت نه محرومه او په جسماني توګه معذوره وګړي عامو سكولونو ته زده كړو له لېږلو سره به ټولنه كښې د دوي مقبوليت زيات شي او دې سره به خصوصي او عام كوچنيان آسانۍ سره د يو بل د مسائلو نه خبر شي۔ هغه ووئيل خصوصي وګړو ته د پېشه ورو زده كړو وركولو او د ماركيټ ضرورتونو له مخې د هغوي زده كړو او تربيې سره به هغوي ته د روزګار په اړه مرسته ترلاسه شي۔ هغه ووئيل د اسلام آباد 250 پارکونه او فټ پات خصوصي وګړو له د كارولو وړ جوړولو له ګامونه پورته كولې شي۔ دا اقدامات به د راروان كال تر مارچ مياشتې ترسره شي۔ هغه ووئيل په سركاري ادارو كښې خصوصي وګړو لپاره كوټه بېله كړې شوې ٬دغسې كاروباري او نجي ادارو كښی مخصوصو وګړو ته ملازمتونه وركولو له بزنس كميونټي سره په رابطه كښې يؤ۔ هغه ووئيل حكومت د احساس پروګرام د لارې د كورونا وباﺀ په مهال د محرومو طبقو مرسته كړې۔ هغه ووئيل د كورونا په اولني پړاؤ كښې اېس او پيز سره جوماتونه پرانستې ساتلې شوي ۔ د لوي څښتن په فضل دغه چپه كښې مونږ په كورونا قابو موندلو كښی كلامياب وو۔ هغه ووئيل دا مهال د كورونا دويمه چپه روانه ده۔ مونږ له به په اېس او پيز عمل كول وي۔ صدر ووئيل آذربائیجان او پاکستان يو بل سره د ورورولۍ اړيكې لري او دواړه هېوادونه د شريك تاريخ ٬ كلتور او رواياتو امين دي۔ صدر آذربائیجان ته د نګورنو کارباخ په آزادولو مباركي وركړه۔ پاکستان كښې د آذربائیجان سفیر علی علیزادہ ووئيل دواړه هېوادونه يو بل سره د ملګرتيا او ورورولۍ اړيكې لري كومې چې په شريكو اقدارو او كلتور اډانه دي۔ هغه ووئيل آذربائیجان پاکستان سره د تعليم په شمول بېلو څانګو كښې مرسته كوي كومه چې د دوه اړخيزه غوره اړيكو عكاسي كوي۔ هغه ووئيل د خصوصي وګړو بحالۍ له به په ګډه هڅې كول وي۔ هغه د خصوصي وګړو بحالۍ او د هغوي د حقونو ساتنې له د حكومتي ګامونو ستائنه هم وكړه۔ دې نه وړاندې صدر ډاکټر عارف علوی او بېګم ثمینه عارف علوي د حېدر علی فاؤنډیشن لخوا خصوصي وګړو لپاره د لګولې شوي نندارتون دوره وكړه۔ صدر خصوصي كوچنو سره شېبه ګھړۍ پاتې شو او هغوي سره ئې خبرې وكړې
حکومت د ټولنې محرومو طبقو خېر ښېګړې له پرله پسې هڅې كوي۔ د صدر ډاكټر عارف علوي خصوصي وګړو له د خصوصي وهيل چيئرز وركولو دستورې ته خطاب
مضمون کا ماخذ : اسکریچ کارڈ جیتنے کے طریقے
متعلقہ مضامین
