اسلام آباد ۔ 8 ستمبر (اے پی پی) وفاقی وزیر تعلیم و پیشہ وارانہ تربیت انجینئر بلیغ الرحمن آکھیا ہے جو خواندگی دا عالمی ڈینھ پاکست??ن اچ تعلیم بارے فیصلہ سازی کرنڑ آلیں کوں بنیادی تعلیم تے تعلیم بالغ??ن اچ حاصل تھیونڑ آلیاں کامیابیاں تے خامیاں دا جائزہ گھن??ڑ دا موقع فراہم کریندا ہے ۔انہاں اے گالھ جمعے کوں خواندگی دے عالمی ڈینھ دے موقع تے اپنڑے پیغام اچ آکھی ۔انہاں آکھیا جو اساں ملک اچ خواندگی دی شرح اچ ودھارے دا تہہ کر رکھیا ہے تے پاکستان دے آئین دے آرٹیکل 25Aاچ تعلیم کوں بنیادی حق قرار ڈتے ونجنڑ ن??ل اساڈے عزم کوں طاقت ملی ہے ۔بلیغ الرحمن آکھیا جو پاکستان کوں مفت پرائمری تعلیم تے ساریں سانگے ہکو جہی تعلیم دے حوالے نال بہوں سارے چیلنج ہن جیں اچ خصوصا چھوہریں دی تعلیم اچ امتیازی سلوک دا وی مسئلہ شامل ہے ۔انہاں آکھیا جو پاکست??ن اچ شرح خواندگی اچ ودھارا تھیا ہے تاں جو ایندے نال نال خواندہ لوکاں دی تعداد وی ودھی ہے ۔ہنڑ اساں تعلیم بالغاں دے پروگراماں کوں ادارہ جاتی بنڑاونڑاں ہے ۔اساکوں سکولاں اچ تعلیم حاصل کرنڑ توں محروم رہ ونجنڑ آلیں دی تعلیم بالغاں دے پروگراماں تئیں رسائی کون یقینی بنڑاونڑاں ہے وفاقی وزیر آکھیا جو وزارت وفاقی تعلیم اتے پیشہ وارانہ تربیت پاکست??ن اچ تعلیم اتے خواندگی دے اشاریں اچ چنگائی سانگے کوشاں ہے ۔انہاں آکھیا جو اساں مانیٹرنگ دے معیار کوں وی چنگاں کریسوں اساکوں بنیادی تعلیم دے غیر رسمی پروگراماں دا دائرہ وی وسیع کرنڑاں ہوسی ۔
وفاقی وزیر تعلیم تے پیشہ وارانہ تربیت انجینئر بلیغ الرحمن دا خواندگی دے عالمی ڈینھ دے حوالے نال پیغام
مضمون کا ماخذ : منی ٹرین 2
متعلقہ مضامین
