مظفرآباد۔5 فروری (اے پی پی) صدر مملكت ډاكټر عارف علوي وئيلي دي كلك باور لرم چې كشمير به له هندي تسلط څخه آزادي ومومي او پاكستان به په خپل مقصد كښې كامياب شي٬ نړۍ به تر كومې د خپلو تجارتي او معاشي ګټو لپاره له هندي ظلمونو سترګې پټوي٬ د بالاكوټ بريد نه وروستو د پاكستان وسله والو ځواكونو خله ماتې ځواب وركړو ، د نړۍ كوم قوت هم كشميرې اولس له آزادۍ څخه محروم ساتلې نه شي ٬ نړۍ دې د آزاد كشمير د امناكې فضا او په مقبوضه كشمير كښې د هند د بشري حقونو سنګينو خلاف ورزيو موازنه وكړي ، په بالا كوټ بريد او د اېف 16 نسكورولو په اړه د هند بې بنسټه ادعاګانې نړۍ په ډاګه كړې۔ هغه د خالي په ورځ يادګار شهداﺀ دستورې ته خطاب كولو۔ په دې موقعه د آزاد كشمير صدر بېرسټر سلطان محمود چوهدري او وزيراعظم سردار عبد القيوم نيازي هم خطاب وكړو۔ صدر مملكت ته په دې موقعه يادګار سره اړوند د مقبوضه كشمير د وضعې عكاسي كوؤنكې ګېلرۍ په اړه بريفنګ وركړې شو۔ صدر مملکت د شهيدانو په يادګار د ګلونو څادر خپور كړو او فاتحه خواني ئې وكړه۔ په دې موقعه خپل خطاب كښې صدر مملكت ووئيل په ننۍ ورځ مونږ نړۍ په كشميري اولس د روانو ظلمونو څخه خبروؤ۔ دا د اوږو هڅو يو داستان دې۔ په 1846 كښې د امرتسر لوظنامې لاندې د 75 لکه نانک شاهی په بدله كښې د كشميري اولس سودا وكړې شوه۔ هغه ووئيل د پاكستان تاريخ به تر هغه وخت نيمګړې وي تر كومې چې كشمير آزاد شوې نه وي۔ هغه ووئيل په مقبوضه كشمير كښې د پېلټ ګن كارونكې هند دې په خپله كومه بله برخه كښې د دې كارول وښائي۔ هند په كشمير كښې نسل كشي ٬ په كوچنيانو ظلم او زياتې او د مېرمنو بې حرمتي د هتھيار په توګه كارولې۔ هغه ووئيل هند په خپله د كشمير مسئله ملګرو ملتونو ته وړلې وه او دغلته د كشميري اولس د خوښې لمخې د رايو شمېرې لوظ وكړې شو۔ قراردادونه لاس ليك شول او هند سره يره وه چې كشمير به يۍ له لاس څخه لاړ شي۔ بلخوا پاكستان ته د نړيوالو ملتونو په دې اداره ملګرو ملتونو باور وو چې هغه به دغه قراردادونه عملي كړي۔ هغه ووئيل داسې لارښود او رياستونه بايد شرم وكړي كوم چې د خپلو تجارتي ګټو له كبله له اخلاقيات څخه محروم شوي دي۔ صدر ووئيل هند د بالاكوټ بريد او اېف 16 نسكورولو حوالې سره دروغ ووئيل كوم چې نړۍ په ډاګه كړل۔ هغه ووئيل نړۍ بايد د مقبوضه كشمير وضعې څخه ځان خبر وساتي ٬ نړۍ به په معاشي فكر كښې دې صورتحال څخه تر كومې سترګی پټې ساتي۔ هغه شهيدانو ته د عقيدت پېرزوينې وړاندې كولو سره ووئيل د دوئي د شهادتونو له كبله به آزادي ضرور ترلاسه شي۔ صدر مملكت ووئيل پاكستان كښې ترهګري كیږي ولې پاكستان چرته هم لاس وهنه نه كوي۔ هغه ووئيل زما ايمان دې چې څوك د پاكستان يو وېښته هم ازرولې نه شي۔ پاكستان د ترهګرۍ په نره مقابله كړې۔ لويې طاقتونه ددې مقابله كولو كښې ناكامه شوي دي۔ هغه ووئيل يونان ته د ننوتو اجازې په نه ترلاسه كېدو 10 كډوالو له خپل ژوند څخه لاس ووينځلو۔ هغه خلق مونږ ته د بشري حقونو درس راكوي څوك چې 6 ارب يور د كډوالو په مخنيوي كولو مصرف كوي۔ هغه په نړيواله ورورولۍ او ملګرو ملتونو زور راوړو چې هغوي د امن د لارې شخړې هوارې كړي۔ هغه ووئيل خشونت سنګھ په خپل كتاب كښې ليكلي چې هند به د خپلې كورنۍ وضعې او اقدامات د لاسه ختم شي۔ هغه كشميري اولس لپاره د نېكو هيلو څرګندونه كولو سره ووئيل هغه وخت لرې نه دې چې كشمير به پاكستان جوړ شي
باور لرم چې كشمير به له هندي تسلط څخه آزادي ومومي ٬ د نړۍ كوم قوت هم كشميرې اولس له آزادۍ څخه محرومولې نه شي ٬ صدر ډاكټر عارف علوي
مضمون کا ماخذ : تھور میگا ویز کی طاقت
متعلقہ مضامین
.jpg)
.jpg)
