لاهور۔15اپرېل(اے پی پی) د كورنيو چارو وزير محسن نقوي وئيلي دي حكومت د برېښنا غلا مخنيوي له ګامونه پورته كوي٬ په لېسکو كښې د 83 کروړ یونټس اووبلنګ شوے٬ په عامر تانبا د شوي بريد پلټنې روانې دي٬ هند پاكستان كښې د قتل په پېښو كښې نېغ په نېغه ككړ پاتې شوے٬ په پاكستان كښې ترهګرۍ لپاره د افغانستان خاوره كارولې شي٬ د رائے د آزادۍ حق هر وګړے لري خو په سوشل ميډيا د تورونو لګولو اجازه به چاله هم ورنه كړې٬ د اېف آئي اے په خالي چوكو د بهرتۍ عمل به زر تر زره بشپړ كړے شي٬ په امېګرېشن كښې به د اېف آئي اے كاؤنټرز زياتولے شي٬ په ائیر پورټس به د ای ګېټس سهولت معارفي كولې شي٬ د سندھ پوليس مثبت ګامونو سره د كراچۍ په سټريټ كرائمز كښې ښكاره كمے رامخې ته دے٬ د بشري قاچاق مخنيوي له ګامونه پورته كولې شي٬ جرائم پېشه عناصرو سره به هېڅ ډول رعايت نه كېږي۔ د ګل په ورځ د اېف آئي اے ريجنل آفس كښې خبري كنفرنس ته خپل خطاب كښې ده ووئيل حکومت د بجلۍ غلا مخنيوي له ګامونه پورته كوي٬ په بلوچستان او خېبر پښتونخوا كښې دا مهال د بجلۍ د غلا زياتې پېښې رامخې ته كيږي٬ دغلته د برېښنا غلا كوؤنكو په ضد كارروائۍ روانې دي٬ ده ووئېل په لېسكو كښې 83 کروړه يونټس زيات بلنګ شوے٬ د بده مرغه 300 یونټس كارونكو صارفين ته هم بلونه زيات لېږلې شوي٬ په ګرد هېواد كښې د زياتو بلونو لېږلو خاتمې لپاره به ټول وسائل كارولې شي٬ د اووربلنګ په معامله به اولس ته زر تر زره ريليف وركولې شي٬ ده ووئېل اېف آئي اے سره په ګډه به په اووربلنګ كښې د ككړو عناصرو په ضد كارروائي كولې شي٬ يو ایکسیئن اېف آئی اے نيولے دے٬ بياهم پلټنې لا روانې دي٬ وزير اعظم په دې لړ كښې د بشپړه مرستې باور راكړے۔ وفاقي وزير ووئيل د جرمونو ختمولو له اېف آئي اے په زړه پورې خذمات ترسره كوي۔ محسن نقوي ووئيل د بشري قاچاق مخنيوي له بشپړه ګامونه پورته كولې شي۔ په بلوچستان كښې د رامخې ته شوې پېښې په كومه كښې چې ترهګرو پنجاب سره تعلق لرونكي 8 كسان ووژل پلټنې روانې دي۔ په دغه پېښه كښې د ككړو كسانو په ضد به سخته كارروائي كولې شي۔ د عامر تانبا بريد كېس په اړه د يوې پوښتنې په ځواب كښې ده ووئيل د دې پېښې پلټنې روانې دي۔ ده ووئيل هند په پاكستان كښې د قتل په پیښو كښې نېغ په نېغه ككړ پاتے شوے۔ هند دې څخه وړاندې هم د قتل په 4 وارداتو كښې ككړ پاتې شوے بياهم د پېښې د پلټنو نه وړاندې هيڅ نشي وئيلې كېدې ۔ د يوې پوښتنې په ځواب كښې وفاقي وزير محسن نقوي ووئيل ترهګري به په هېڅ صورت ونه زغملې شي۔ ده ووئيل كه د جرائمو ختمولو له كومه قانون سازي پكار وي كولې به شي دغسې چې جرائم پېشه كسان سزا څخه بچ نه شي۔ ده ووئيل د سندھ پوليس په مثبت ګامونو د كراچۍ سټريټ كرائمز كښې ښكاره كمے رامخې ته شوے ۔ د يوې بلې پوښتنې په ځواب كښې ده ووئيل مونږ ټولو ګاونډيانو هېوادونو سره ښې اړيكې غواړؤ خو د پاكستان په ضد ترهګرۍ لپاره د چا د خاورې كارېدو اجازه به چاله هم ورنه كرې شي۔ ده ووئيل د ترهګرۍ په اوسنيو پیښو كښې د ګاونډي هېواد افغانستان د خاورې د كارېدو ښكاره شواهد ترلاسه شوي۔ په دې اړه خارجه وزارت خپل كار كوي۔، پاکستان افغانستان سره خبرې اترې كوي٬ هيله ده چې د دې به ګټورې نتيجې ډېرې زر رامخې ته شي۔ دې څخه وړاندې وفاقي وزير محسن نقوي د شهید انسپکټر شهزاد یونس كونډې سب انسپکټر فائزہ شهزاد سره د اېف آئی اے د نوي جوړ كړي انوسټی ګیشن بلاك شهید شهزاد یونس پرانسته وكړه او هېواد لپاره د شهيد انسپكټر شهزاد يونس خذمات ته يۍ د عقيدت پېرزوئنې وړاندې كړې۔ د اېف آئي اے ډي جي اسحاق جهانګیر ٬ د اېف آئي اے لاهور ډائرېکټر سرفراز ورک ٬ د فېصل آباد ډائرېكټر٬ د ګوجرانواله ډائرېكټر او نور اعلی چاواكي هم په دې موقع موجود وو۔(
د رائے وركولو د آزادۍ حق هر وګړے لري خو په سوشل ميډيا د تورونو لګولو اجازه به چاله هم ورنه كړے شي٬ د بشري قاچاق مخنيوي لپاره ګامونه پورته كولې شي٬ جرائم پيشه عناصرو سره به هيڅ رعايت نه كېږي ٬ د كورنيو چارو وزير محسن نقوي
مضمون کا ماخذ : raspadinha resultados
متعلقہ مضامین
.jpg)
.jpg)
