سپین کئی رغزئی (جنوبی وزیرستان) ۔ 24 اپریل (اے پی پی) وزیراعظم عمران خان بدھ کو?? جنوبی وزیرستان دے علاقے سپین کئی رغزئی اچ قبائلی عمائدین نال خطاب کیتا۔ایں موقع تے عمران خان دا آکھنڑ ہا جوملک دے پسماندہ علاقیاں کو?? ترقی یافتہ علاقیاں دے برابر لاتا ویسی، پسماندہ علاقیاں دی ترقی بغیر پاکستان ترقی نئیں کرسگدا، قبائلی علاقیاں دی ترقی اتے بہبود اساڈی پہلی ترجیح ہے، قبائلی علاقیاں اچ تبدیلی گھن آونڑ پاکستان تحریک انصاف اتے میڈے وژن دا بنیادی جز ہے، قبائلی علاقیاں اچ صحت انصاف کارڈ ڈیونڑ، ہسپتالاں دی اپ گریڈیشن کیتی ویسی ، نینگراں دے روزگار سانگے آسان قرضے، گھر بناونڑ سانگے فنڈز ڈیونڑ، وانا اچ چ??وہریں تے چھوہراں سانگے ڈو ڈگری کالج بنڑائے ویسن اتے قبائلی علاقیاں دے گرڈ اسٹیشناں کو?? اپ گریڈ کیتا ویسی ۔ وزیراعظم عمران خان آکھیا جو نواں پاکستان قائداعظم محمد علی جناح اتے علامہ اقبال داخواب ہا اتے مدینہ دی ریاست دے اصولاں مطابق عدل تے انصاف آلا پاکستان بناونڑ ہا۔ مدینہ دی ریاست اچ اﷲ سائیں دے حکم نال زمین تے عدل تے انصاف ??ائم کیتاگیا اتے اتھاں کمزور طبقیاں دی بہبود تے توجہ ڈتی گئی اتے زکواة داپیسہ غریباں تے خرچ کیتاگیا۔ انہاں آکھیا جو جیرھی ریاست اچ عدل تے انصاف ??لے اوہ کڈاہیں ہاردی نئیں۔ وزیراعظم آکھیاجو قبائلی علاقے بہوں پیچھی تے رہ گن، اتھاں صحت، تعلیم، پیونڑدا پانی، روزگار سمیت بئی سہولتاں میسر کائنی ہن ، موجودہ حکومت دی کوششاں نال قبائلی علاقیاں اچ سرمایہ کاری شروع تھی گئی ہے، قبائلی علاقیاں اچ معدنیات دے ودھ سارے ذخائر موجود ہیں ،اگر انہاں ذخائر کو?? استعمال کیتا ونجے تاں قبائلی علاقیاں دے لوکیں کو?? روزگار سانگے باہر ونجنڑ دی ضرورت کائناں پوسی۔ وزیراعظم عمران خان آکھیا جو قبائلی علاقیاں دی ترقی سانگے سالانہ 100 ارب خرچ کیتے ویسن تاں جوا یہ علاقے ترقی کر تے باقی علاقیاں دے برابر آسگن۔انہاں آکھیا جواج وی بلوچستان، جنوبی پنجاب، اندرون سندھ دے علاقیاں اچ ودھ سارے مسئلے موجود ہن،اتھاںامیر امیر تر اتے غریب غریب تر تھی گئے، اساں ایندے اچ تبدیلی گھن آسوں ، ایہو اساڈا نظریہ ہے، قبائلی علاقیاں دے لوکیں کو?? ا یہ تبدیلی وختی نظر سی ۔انہاں آکھیا جوملک اچ چ??وٹے چھوٹے ڈیم بنڑا تے پانڑیں دا ذخیرہ کرتے پانڑیں دے مسئلیاں توں جان چھڑویسوں۔ وزیراعظم عمران خان آکھیا جو عوام میڈے تے اعتماد رکھے، اوچ جھیک دی وجہ ایہ ہے جو پچھلے حکمراناں لوٹ مار کیتی، لوٹ مار دے خلاف ??یں 22 سال توں جدوجہد کر یندا پیا ہاں، 2008ءتئیں پاکستان دے باہرلے قرضے 6 ہزار ارب ہن، گزریل 10 سالاں دوران باہر دے قرضے 30 ہزار ارب تئیں پج گن،جیرھا جو300 گناودھارا ہے، سالانہ ٹیکساں دی مداچ 4500 ارب جمع تھیندن، انہاں وچوں 2 ہزار ارب گزریل سالیں دوران گھدے گئے قرضیاں تے سود اتے قسطاں سانگے ڈیونڑ پوندن، ایں سانگے ملک چلاونڑ کیتے پیسیاں دی گھٹکی ہے، عوام فکر نہ کرنڑ ،سارے حالات چنگے تھی ویسن، قبائلی علاقیاں اچ تانبے دے وڈے ذخائر ہن، انہاں ذخائر توں فائدے چیسوں۔ انہاں آکھیا جو آندے کجھ ڈینھاں اچ خاص کررمضان شریف اچ عوام کو?? تبدیلی نظر ن شروع تھی ویسی۔
وزیراعظم عمران خان دا جنوبی وزیرستان اچ قبائلی عمائدین نال خطاب
مضمون کا ماخذ : کینڈی کیش
متعلقہ مضامین
