ګلګت 01 ستمبر (اے پي پي)د وزيراعظم د كشمير او ګلګت بلتستان چارو صلاحكار قمرزمان كائره وئېلي دي سېلاب ځپليو سيمو لپاره په اعلان كړي پیكج به په ګلګت بلتستان كښې هم عمل كېږي او د ځپليو بحالۍ لپاره سروے به تر ټولو اول په ګلګت بلتستان كښې پېل كېږي۔په ګلګت كښې د مېډيا استازو سره په خبرو كښې ده ووئيل زمونږ كوم وروڼه او خوئېندې چې د سېلاب په نتيجه كښې په حق رسېدلې دوي لپاره وفاقي حكومت د وزيراعظم پېكج له مخې د 10 لكه روپو اعلان كړے ٬ هم داسې ژوبل شوو لپاره هم د پېكج اعلان شوے۔ده ووئيل دوهم پړاؤ د سېلاب ځپليو د رېسكيو كولو دے٬په درېم پړاؤ كښې به سېلاب ځپلي بحال كولې شي۔ده ووئيل په دې پړاؤ كښې به د ځپليو سيمو تفصيلي سروے كېږي۔ده ووئيل د هېواد په بېلا بېلو برخو كښې اوبه ولاړې دي او د سروے عمل اوس نشي پیل كېدے۔ده ووئيل وزيراعظم شهباز شريف به د ګلګت بلتستان د سېلاب ځپليو سيمو دوره كوي او د ګلګت بلتستان حكومت مرستې لپاره به د فنډ اعلان كوي۔
سېلاب ځپليو سيمو لپاره په اعلان كړ پیكج به په ګلګت بلتستان كښې هم عمل كېږي۔قمرزمان كائره
مضمون کا ماخذ : مردہ یا زندہ II
متعلقہ مضامین
