اسلام آباد ۔ 11 جولائی (اے پی پی) چیئرمین سینیٹ م??مد صادق سنجرانی آکھیا جو دہشت گرد ملک دی ترقی اتے جمہوری عمل کوں مکاونڑ دے چکر اچ ہن لیکن جمہوری قوتاں کوں اپنڑیاں صفاں اچ ہک مٹھ تھیونڑاں پوسی تاں جو انہاں عناصر دی حوصلہ شکنی کیتی ونجے جیرھے ملک اچ افراتفری کھنڈا تے اپنڑے مذموم عزائم دا حصول ممکن بنڑاونڑ چاہندن ۔ انہاں آکھیا جو اے دھماکہ اوں وقت کیتا گے جڈاں پاکستان اچ انتخابی عمل دی صورت اچ اہم پیش رفت تھیونڑ ویندی پئی اے تے ساریاں سیاسی جماعتاں انتخابی مہم دی صورت اچ عوامی رابطے اچ م??روف ہن تاں جو اساکوں ایں گال دا اعادہ کرنڑ??ں ہوسی جو انہاں عناصر کوں منڈھوں مکاونڑ اچ ہی قوم دی فلاح ہے ۔ چیئرمین سینیٹ آکھیا جو بلور خاندان دہشت گردی دے خ??اف عظیم قربانیاں ڈتی??ں ہن تے قوم انہاں کوں منیندی اے اج اساں سارے یکجہتی دے طور تے انہاں دے ڈکھ اچ برابر دے شریک ہوں ۔ چیئرمین سینیٹ یکہ توت اچ اے این پی دے جلسے اچ بم دھماکے دی شدید الفاظ اچ م??مت کیتی۔ چیئرمین سینیٹ ایں دھماکے دے نتیجے اچ ہارون بلور تے بئے لوکاں دی شہادت تے ودھ سارے ڈکھ تے افسوس دا اظہار کریند?? ہوئیں آکھیا جو دہشت گرد اپنڑے مذموم مقاصد اچ کڈاہیں وی کامیاب کائناں تھیسن ۔ چیئرمین سینیٹ بم دھماکے اچ شہید تھیونڑ آلے لوکاں سانگے مغفرت تے زخمیاں دی وختی چنگی صحت سانگے دعا کیتی ،انہاں آکھیا جو ایں واقعے دی انکوائری کرتے ملوث لوکاں کوں انصاف دی کچاری اچ گھن آیاونجے ۔ڈپٹی چیئرمین سینیٹ سینیٹر سلیم مانڈوی والا ،سینیٹ اچ قائد ایوان راجہ م??مد ظفر الحق اتے سینیٹ اچ قائد حزب اختلاف شیری رحمان ویں ایں واقعے تے ڈکھ تے افسوس دا اظہار کریند?? ہوئیں شہید تھیونڑ آلیں سانگے مغفرت تے زخمیاں دی وختی چنگی صحت دی دعا کیتی ۔
دہشت گرد ملک دی ترقی اتے جمہوری عمل کوں ختم کرنڑ دے پچھوں لگے پن، چیئرمین سینیٹ محمد صادق سنجرانی
مضمون کا ماخذ : نتیجہ لوٹومینیا
متعلقہ مضامین
