اسلام آباد ۔ 5 نومبر (اے پی پی) پاکستان دہشت گردی دے حوالے نال امریکی محکمہ خارجہ دی سالانہ رپورٹ 2018 ءتے مایوسی دا اظہارکریندے ہوئیں آکھیے جو ایں رپورٹ ا?? حقیقی صورت حال تے دہشت گردی دے خلاف پاکستان دیاں قربانیاں کوں نظر انداز کیتا گے ۔دفتر خارجہ دے ترجمان منگل کوں ہک بیان اچ آکھیے جو رپورٹ ا?? زمینی حقائق اتے دہشت گردی دے خلاف ڈو عشریں توں ودھ جدوجہد ??چ پاکستان دی غیر معمولی قربانیاںکوں نظر انداز کرڈتا گے ۔ ترجمان آکھیے جو پاکستان دیاں کوششاں نال نہ صرف خطے توں القائدہ دا خاتمہ تھیا بلکہ دنیا کوں محفوظ بنڑاونڑ اچ مدد ملی اے ،پاکستان دہشت گردی دے خلاف نیشنل ایکشن پلان دے تحت ٹھوس اقدامات کیتے پرعزم اے ۔ترجمان دفترخارجہ آکھیے جوسلامتی کونسل دی قرارداد نمبر1267ءدے تحت پاکستان اپنڑیاں ذمے واریاں کوں نبھاونڑ دے ضمن اچ مخصوص تنظیماں، گروپاں اتے لوکاں تے پابندیاں ، انہاں دے اثاثے منجمد کرنڑ تے انہاں دے مالی وسائل منقطع کرنڑ کیتے جامع قانونی اتے انتظامی اقدامات کیتن ، ایندے علاوہ پاکستان فنانشل ایکشن ٹاسک فورس (ایف اے ٹی ایف) ایکشن پلان دے موثراطلاق کیتے وی اقدامات جاری رکھیے ہوئن ۔ ترجمان آکھیے جو ایں رپورٹ ا?? اے وی آکھیا گے جو پاکستان کوں تحریک طالبان پاکستان، جے یو اے ،اسلامک سٹیٹ خراسان اتے بئے دہشت گرد گروپاں توں دہشت گردی دے حملیں دا خطرہ اے تاں جو ایں رپورٹ ا?? اے گال شامل کائنی کیتی گئی جو اے گروپس سرحدپارتوں پاکستان اچ دہشت گردی دے حملے جاری رکھیے ہوئے ہن?? خطے اتے دنیا اچ قیام امن اتے استحکام کیتے پاکستان دیاں کوششاں دا ذکر کریندے ہوئیں ترجمان آکھیے جو پاکستان نیک نیتی دے نال افغانستان اچ قیام امن اتے مصالحت دے تناظراچ امریکا اتے طالبان وچال براہ راست مذاکرات اچ سہولت کاری کیتی ، ایں حوالے نال پاکستان دے مثبت کرداردا امریکا تے امریکی قیادت سمیت وسیع سطح تے منیا گئے ، ایندے برعکس کوئی منفی اتے ناخوشگوار تاثر بلاجواز اتے ڈوہیں ملکاں وچال سانجھے تعلقات اچ متوق?? مثبت پیش رفت نال عدم مطابقت تے مبنی اے۔ترجمان آکھیے جو پاکستان ہمیشہ تعمیری سرگرمیاں اتے تعامل دے ذ??یعے انسداددہشت گردی دیاں کوششاں کوں اگی تے ودھاونڑ دی ضرورت تے زور ڈتے ۔ ترجمان امید ظاہر کیتی اے جو پاکستان دے عزم ، خدمات اتے قربانیاں کوں مکمل طورتے منیا ویسی اتے ایندی درست تناظر اچ تعریف کیتی ویسی ۔
امریکی محکمہ خارجہ دی سالانہ رپورٹ اچ حقیقی صورتحال اتے دہشت گردی دے خلاف پاکستان دیاں قربانیوں کوں نظر انداز کیتا گے ، ترجمان دفترخارجہ
مضمون کا ماخذ : سامرائی کی خوش قسمتی۔
متعلقہ مضامین
