اسلام آباد۔15ستمبر (اے پی پی):وزیراعظم عمران خان تاجکستان دے صدرامام علی رحمانوف دی دعوت تے 16 توں 17 ستمبر تاجکستان دا ݙو ݙینھ دا سرکاری دورہ کریسن ، ھک اعلیٰ سطحی وزارتی وفد وی وزیراعظم دے رلے ہوسی ۔ وزیر اعظم دا وسطی ایشیا دا اے تریجھا دورہ ہوسی جیں توں خطے دے ملکاں دے نال پاکستان دے ودھدے تعلقات دی عکاسی تھیندی اے ۔ وزیر اعظم عمران خان دوشنبے اچ شنگھائی تعاون تنظیم (ایس سی او) دے20 ویں سربراہی اجلاس اچ شرکت کریسن ۔ ایندے توں پہلے انہاں 13 اتے 14 جون 2019 کوں کرغز جمہوریہ دے دارالحکومت بشکیک اچ منعقدہ ایس سی او دے س??براہی اجلاس اتے 10 نومبر 2020 کوں ویڈی?? کانفرنس دے ذریعے روس دی میزبانی اچ سربراہی اجلاس اچ شرکت کیتی ہئی ۔ شنگھائی تعاون تنظیم ھک 8 رکنی مستقل بین الحکومتی علاقائی تنظیم اےجیں کوں 15 جون 2001 کوں شنگھائی اچ قائم کیتا ڳیا ہئی ۔ پاکستان 2005 اچ ایس سی او دا مبصر اتے جون 2017 اچ آستانہ سربراہ اجلاس اچ تنظیم دا مکمل رکن بݨ ڳئے ۔ روس ، چین ، بھارت ، ازبکستان ، قازقستان ، کرغز جمہوریہ اتے تاجکستان ایس سی او دے بئے رکن ملک ہن ۔ شنگھائی تعاون تنظیم اچ ایران، منگولیا، بیلاروس اتے افغانستان مبصر جݙاں جو آذربائیجان، آرمینیا، کمبوڈیا، نیپال، ترکی اتے س??ی لنکا ڈائیلاگ پارٹنرز دی حیثیت نال شامل ہن ۔ وزیراعظم شنگھائی تعاون تنظیم دے اجلاس دے موقع تے ٻئے شریک شریک رہنماواں دے نال ݙو پاسے ملاقاتاں کریسن ۔ ایس سی او سربراہ اجلاس اچ شرکت دے بعد وزیر اعظم تاجک صدر دے ںال ملاقات کریسن۔ وزیراعظم عمران خان پاکستان تاجکستان بزنس فورم دے پہلے اجلاس دا افتتاح وی کریسن جیں کیتے پاکستانی تاجراں دا ھک گروپ دوشنبے دا دورہ کریسی ۔
وزیراعظم عمران خان 16 توں 17 ستمبر تاجکستان دا ݙو ݙینھ دا سرکاری دورہ کریسن
مضمون کا ماخذ : خوش قسمتی کا رش
متعلقہ مضامین
