اسلام آباد۔3جنوری (اے پی پی):وزیر خارجہ مخدوم شاہ محمود قریشی آکھیے جو پاکستان سال 2021دے دوران مختلف سفارتی محاذاں تے سفارتی مقاصد کوں فعال اتے مستقل طور تےاڳوں ودھائے، اساں وݙیاں طاقتاں تے خطے دے سارے کلیدی شراکت داراں دے نال ݙو پاسے تعلقات تے دوستی کوں مستحکم کیتے ا، جموں و کشمیر دے جھیڑے اتے افغانستان دی صورتحال سودھے خارجہ پالیسی دے اہم مسئلیں تے کامیابی اتے موثر طریقے نال آپݨا ن??طہ نظر پیش کیتے۔پاکستان بھارت سودھے سارے ہمسایہ ملکاں دے نال معمول دے تعلقات دا حامی اے لیکن ماحول کوں ساز گار بݨاوݨ دی ذمے واری بھارت تے لڳدی اے ،مسئلہ کشمیر دے منصفانہ حل دے بغیر جنوبی ایشیا اچ قیام امن دا خواب شرمندہ تعبیر نی تھی سڳدا ،نہتے کشمیریاں تے جاری منظم جبرو استبداد دے خلاف عالمی سطح تے آواز چیندے رہ ویسوں ۔خطے اچ پائیدار امن و استحکام اتے اقتصادی ترقی اتے علاقائی تعاون دے وسیع امکانات ہندوستان دے تسلط پسندانہ اتے معاندانہ روییں دے ہتھوں یرغمال بݨیے ہوئن ۔ کاروبار کرݨ اچ سوکھ اچ پاکستان دی درجہ بندی اچ 39 پوائنٹس، افریقہ دے نال تجارت اچ 7 فیصد ودھارا تے پاکستان دی کاروباری اعتماد دی درجہ بندی اچ 59 پوائنٹس دی بہتری آئی۔ افغانستان اچ امن کیتے پاکستان دا کردار، جیو پولیٹکس توں جیو اکنامکس دے پاسے منتقلی، وژن سینٹرل ایشیا، انگیج افریقہ، پبلک ڈپلومیسی اتے ڈیجیٹل ڈپلومیسی سودھے کئی اہم پیش رفتاں تے اقدامات پاکستان دی خارجہ پالیسی دی ترجیحات کوں اڳوں ودھاوݨ اچ اہم کردار ادا کیتے ، سنوار کوں اتھاں خارجہ پالیسی اہداف 2021 دے حوالے نال پریس کانفرنس کریندے ہوئیں وزیر خارجہ آکھیے جو پاکستان سال 2021دے دوران ݙوطرفہ اتے کثیرالجہتی سودھے مختلف سفارتی محاذاں تے آپݨے سفارتی مقاصد کوں فعال اتے مستقل طور تے اڳوں ودھاوئے اتے جموں و کشمیر دے جھیڑے و افغانستان دی صورتحال سودھے خارجہ پالیسی دے اہم مسئلیں تے کامیابی تے موثر طریقے نال آپݨا ن??طہ نظر اتے بیانیہ پیش کیتے۔انہاں آکھیے جو 2021ڈپلومیٹک انگیجمنٹ دا سال ہئی ،اساں وزیر اعظم دے وژن 2021 تے مکمل عملدرآمد کیتے اتے وزارت خارجہ اچ متعدد اصلاحات کیتیاں،مسئلہ فلسطین دے حوالے نال پاکستان دا موقف واضح اتے ایندے وچ کوئی تبدیلی کائنی آئی ،مقبوضہ کشمیراچ انسانی حقوق دیاں سنگین خلاف ورزیاں تے اسلامو فوبیا کوں اقو??م متحدہ سودھے عالمی سطح تے اجاگر کیتے۔روس،یورپی یونین،افریقہ ،آسیان ،مشرقی وسطی،وسطی ایشیاءملکاں توں تعلقات اچ بہتری آئی اے ۔امریکہ دے نال تعلقات اچ پیشرفت جاری اتے امریکہ دے نال تعلقات کوں مزید وسیع تے گھاٹا کرݨ چاہندوں ۔
پاکستان سال 2021دے دوران مختلف سفارتی محاذاں تے سفارتی مقاصد کوں فعال اتے مستقل طور تےاڳوں ودھائے ،وزیر خارجہ مخدوم شاہ محمود قریشی دا خارجہ پالیسی اہداف 2021 دے حوالے نال پریس کانفرنس توں خطاب
مضمون کا ماخذ : پاور بال کے نمبر
متعلقہ مضامین
