اسلام آباد۔3مارچ (اے پی پی):وزیراعظم عمران خان آکھیے جو پاکستان کوں اسلامی فلاحی ریاست بݨاوݨ دے سفر دا آغاز کرݙتے ، عوام بالخصوص نینگراں تے ٻالاں کوں نبی کریم ﷺ دی سیرت اتے تعلی??ات توں روشناس کراوݨ تے غلط و صحیح اچ امتیاز سکھاوݨ دی لوڑھ اے ، رحمت اللعالمین اتھارٹی ایں سلسلے اچ روڈ میپ ݙیسی ، مغربی ملکاں اچ کوئی عوام دا پیسہ چوری کرݨ دا سوچ نی سڳدا ، اتھاں کرپشن کرݨ آلیں تے پھل پاتے ویندن ، معاشرے کوں انہاں مافیاز دے خلاف جہاد کرݨی ہوسی جیڑھی جو قانون دی حکمرانی نی چاہندے تے این آر او کیتے بلیک میل کریندن ۔ اے ڳالھ انہاں خمیس کوں قومی رحمت اللعالمینؐ اتھارٹی دے مکمل فعال تھیوݨ دے سلسلے اچ منعقدہ تقریب توں خطاب کریندے ہوئیں آکھی اے، وزیراعظم آکھیے جو او اتھارٹی دے چیئرمین ڈاکٹر انیس احمد دا شکریہ ادا کریندن جنہاں اتھارٹی دا روڈ میپ پیش کیتے۔ وزیراعظم آکھیے جو او قوم کوں ݙساوݨ چاہندن جو ایں اتھارٹی دے قیام دی لوڑھ کیوں پیش آئی۔ انہاں آکھیے جو نبی کریم ﷺ اساکوں جیڑھا پیغام ݙتا اساکوں آپݨے ٻالاں تے نینگراں کوں ایں پیغام دا ݙساوݨا ہوسی۔ اساکوں ٻالاں کوں اے س??ھاوݨ دی لوڑھ اے جو اساں نماز اچ جݙاں انہاں لوکاں دے رستے تے چلݨ دی دعا کریندوں جیڑھے جو انعام یافتہ ہن تاں ایں توں کیا مراد اے ۔ وزیراعظم آکھیے جو نبی کریم ﷺ جیڑھیاں کامیابیاں حاصل کیتیاں او تاریخ اچ کہیں ٻئے دے حصے اچ نی آئیاں اللہ تعالیٰ اساکوں آپ ﷺ دی تعلی??ات اتے نقش قدم تے چلݨ دا حکم ݙتا ۔ نبی کریم ﷺ دارستہ سوکھا نہ ہئی لیکن اے انسان دی عظمت دا رستہ ہئی ۔ جݙاں اساں سکولاں اچ ہاسے تاں اساکوں اے چیزاں نی پڑھائیاں ڳیاں تے اے وی نی ݙسایا ڳٰا جو او کیڑھے اصول ہن جنہاں تے عمل کرتے مسلمان دنیا تے چھا ڳئے اتے وقت دی طاقتاں کوں شکست ݙتی ۔ ایندی بجائے مغرب دے رستے تے چلݨ کوں ترقی دا رستہ سمجھیا ویندا ہئی ۔ وزیراعظم آکھیے میں اپݨی اتے مغربی ݙوہیں ثقافتاں کوں اندر توں ݙٹھے تے ایں دے تجزیے اتے نبی کریم ﷺ دی سیرت دے مطالعے دے بعد میݙی سوچ اچ تبدیلی آئی ۔ انہاں آکھیے جو نبی کریم ﷺ مدینہ دی ریاست اچ عدل و انصاف قائم کیتا تے ھک فلاحی ریاست قائم کیتی تے انساناں دی کردار سازی کیتی اساکوں اے ڄاݨ گھنݨا چاہیدے جو کیویں عرب دے مسلمان دنیا دی امامت دے قابل تھی ڳئے ،اصل اچ انقلاب ایں کردار دی بدولت آئے جیڑھا جو نبی کریم ﷺ دی تعلی??ات پیدا کیتا۔وزیراعظم آکھیے جو برائی دے خلاف کھڑے ت??یوݨ دی صلاحیت ہی کہیں ریاست دی بنیاد ہوندی اے ۔
پاکستان کوں اسلامی فلاحی ریاست بݨاوݨ دے سفر دا آغاز کرݙتے ، وزیراعظم عمران خان دا قومی رحمت اللعالمینؐ اتھارٹی دے مکمل فعال تھیوݨ دے سلسلے اچ تقریب توں خطاب
مضمون کا ماخذ : اسکریچ کارڈ جیتنے کے طریقے
متعلقہ مضامین
