لاہور۔9نومبر(اے پی پی) وفاقی وزیر اطلاعات،نش??یا??، قومی ورثہ و ثقافت عطا اللہ تارڑ آکھیے حکومتی اقدامات توں معیشت اچ چنڳی بہتری آئی ،قطر اتے آذربائیجان پاکستان اچ 5 ارب ??ال?? دی سرمایہ کاری سانڳے تیار ہن ، علامہ اقبال دے افکارہی اساں کیتے ترقی تے خوشحالی دا رستہ ہن، نینگراآں کوں بااختیار بݨیندے پیوں ،بانی پی ٹی آئی اپݨی رہائی سانڳے پارٹی قیادت کوں دھرنیں تے انتشار سانڳے اکسیندے رہیے ۔ او مزار اقبال تے حاضری دے موقع تے میڈیا نال ڳالھ مہاڑ کریندے پئے ہن ۔وفاقی وزیر آکھیے اڄ پوری مسلم امہ کوں اقبال دے خودی دے پیغام تے پہلے توں کتھائیں ودھ لوڑھ اے ،اقبال دے افکارہی اساں کیتے ترقی اتے خوشحالی دا رستہ ہن،علامہ اقبال دے فلسفہ اتے شاعری کوں وسطی ایشیاء اچ وی ٻہوں پڑھیا ویندے اساں اقبال دے ویژن موجب نینگراں کوں بااختیاربݨیندے پیوں ۔ وفاقی وزیر اطلاعات آکھیے وزیراعظم محمد شہبازشریف دا واضح ویژن اے جو اساں قرض نی گھنݨا بلکہ سرمایہ کاری ودھاوݨی اے وختی ملک اچ سرمایہ کاری آندی پئی اے ،حکومتی کوششاں توں معیشت اچ بہتری آئی اے جیں توں مہانگ گھٹ تھئی اے اٹا،پٹرول سستا اتے روپیہ مستحکم تھیندا پئے ،ترسیلات زرودھ ڳئن ، ہݨ پاکستان ترقی کرݨی اے،عوام دی فلاح وبہبود دے اقدامات جاری رہسن ۔اساں دوست ملکاں توں قرض تے امداد کائناں سرمایہ کاری دی ڳالھ کریندے پیوں،سعودی عرب نال سرمایہ کاری دے معاہدے6ارب ??ال??توں ودھ ڳئن ، قطر پاکستان اچ 3 ارب ??ال?? دی سرمایہ کاری سانڳے تیار اے ،آذربائیجان پاکستان اچ 2ارب ??ال?? دی سرمایہ کاری کریندا پئے ۔عطا اللہ تارڑ مزید آکھیے ساݙی کوشش رہی اے جو بزنس ٹوبزنس معاہدے تھیون ،حکومت دا کم کاروبارکرݨ کائنی ،کاروباری طبقے کوں سہولتاں ݙیوݨ اے ٻہوں سارے ملک برکس اچ پاکستان دی رکنیت دے حامی ہن،سی پیک تکھے اڳوں ودھدا پئے ،پاکستان دے چین نال تعلقات تکڑے توں تکڑے تھیندے پئن ،مشہورسعودی سب وے پاکستان اچ آپݨیاں برانچاں کھول تے سرمایہ کاری کریندا پئے ۔ سوال دے جواب اچ انھاں آکھیے ??یا??ت نال ??یا??ت دے معاملات خارجہ پالیسی داحصہ ہوندن ،پاکستان دی خارجہ پالیسی چنڳی تھئی اے ،خارجہ پالیسی کوں کجھ لوک مضحکہ خیز بݨاوݨ دی کوشش اچ لڳئن لیکن پاکستان دی خارجہ پالیسی پاروں اقوام عالم نال تعلقات مزید تکڑے تھیندے پئن نینگراں سانڳے روز گاردے موقع ݙیندے پیوں،پاکستان کنے نینگراں دی شکل اچ ہنرمند لوکاں دا قیمتی سرمایہ موجود اے ۔ ٻاہرلے ملکاں اچ ہنرمندپاکستانی ترسیلات زر بھجواوݨ دا وݙا ذریعہ ہن ،پاکستان اچ سیاحت دے ودھارے سانڳے وی بھرپوراندازاچ کم کریندے پیوں ، کوئی سیاسی لیڈ??یا??یاسی جماعت ملک توں ودھ تے کائنی ،معاشرے اچ ونڈ تے نفرتاں کھنڈاوݨ دراصل غیراں دا منصوبہ ہئی،بانی پی ٹی آئی آپݨنی رہائی سانڳے پارٹی قیادت کوں دھرنے تے انتشارکیتے اکسیندے رہیے ،9 مئی دے انتشاری پاکستان کوں غیرمستحکم کرݨ دیاں سازشاں اچ مصروف ہن ۔عطا اللہ تارڑ آکھیے مسئلہ کشمیرتےفلسطین کوں سیاست توں بالاترہووݨا چاہیدے ،فلسطین متعلق زیک گولڈ سمتھ دے بیان دی اڄ تئیں مذمت نی کیتی ڳئی ،پی ٹی آئی دی فنڈنگ کرݨ آلے ہی اسرائیل سانڳے کم کریندے پئن ،اسرائیل کیتے فنڈزجمع کرتے نہتے فلسطینیاں کوں نشانہ بݨایا ویندا پئے ۔وزیراطلاعات آکھیے پی ٹی آئی دے لاہور،سنگ جانی اتے ڈی چوک دے جلسے ناکام تھئن، اے لوک جلسے صرف بانی پی ٹی آئی کوں این آراو ݙیواوݨ سانڳے کریندے پئن ،پی ٹی آئی جیڑھا کجھ رادھے اوہو کٹیسی ۔وفاقی وزیر آکھیے افسوس دی ڳالھ اے خ??بر??ختونخوا اچ کوئی کم نی تھیندا پیا نہ مہانگ گھٹ تھئی اے نہ گاݙیاں دے کرائے گھٹ تھئن ،خ??بر??ختونخوا اچ کئیں روکیے جو تساں تعلیم ،صحت اتے امورنوجوانان تے توجہ نہ ݙیوم، عثمان بزدار کوں پنجاب دا حکمران بݨا تے لٹ ماردا بازارگرم کیتا ڳیا ، پی ٹی آئی ایس سی او سبوتاژ کرݨ دی کوشش کیتی ،12ملکاں دے وزرائے اعظم پاکستان آندے پئے ہن پی ٹی آئی آلے احتجاج کریندے پئے ہن ۔ ھک سوال تے انھاں آکھیے26 ویں آئینی ترمیم دی کہیں کھل تے مخالفت نی کیتی ،وکلاء 26ویں آئینی ترمیم دی حمایت کیتی اے ، آئینی ترمیم وکلاء دا پراݨا مطالبہ ہئی تے ایں معاملے تے او ھک ہن ۔وفاقی وزیرآکھیے کوئٹہ دھماکے دی مذمت کریندوں ،ملک توں دہشت گردی مکاوݨ سانڳے ہراقدام کریسوں ،چارسال اچ محمد نوازشریف ملک اچ امن قائم کرتے ݙکھائے ،پی ٹی آئی حکومت دہشت گرداں کوں ول گھن آئی۔
