منامہ ۔ 6 فروری (اے پی پی) کشمیریاں نال اظہار یکجہتی سانگے پاکستان اتے بئے م??کاں وانگوں بحرین اچ وی یوم یکجہتی کشمیر منایا گیا۔ ایں مناسبت نال بحرین اچ پاکستانی سفارتخانے اچ ہک تقریب منعقد کیتی گی جیں اچ سینیٹر لیفٹیننٹ جنرل (ر) عبدالقیوم مہمان خصوصی ہن۔ تقریب نال خطاب کریندے ہوئیں سینیٹر لیفٹیننٹ جنرل (ر) عبدالقیوم آکھیا جو کشمیری عوام دا جذبہ گولیاں تے ظلم و جبر نال دبایا نی ونج سگدا ۔ کشمیری عوام دیاں قربانیاں رنگ گھن آس?? او ڈینھ پرے کائنی جڈاں بھارت ??وں اقوام متحدہ دیاں قرارداداں دے مطابق کشمیری عوام کوں انہاں دا حق ڈیونڑاں پوسی ۔ انہاںآکھیا پاکستان کشمیری عوام دا حق خود ارادیت دا مسئلہ ہر فورم تے چاتے۔ انہاں انسانی حقوق دے تحفظ دیاں عالمی تنظیماں تے اقوام متحدہ توں مطالبہ کیتا جو مقبوضہ کشمیر اچ بھارتی فوج دے ہتھوں انسانی حقوق دی پامالی بند کراون ۔تقریب دے چھیکڑ تے بحرین اچ پاکستانی سفارتخانے دے قائمقام سفیر مراد علی وزیر یوم یکجہتی کشمیر دے حوالے نال صدر پاکستان ممنون حسین اتے وزیر اعظم شاہد خاقان عباسی دا خصوصی پیغام پڑھ تے سنڑایا جیں اچ آکھیا گیا جو پاکستان کشمیری عوام دے نال اظہار یکجہتی کریندے ہوئیں انہاں دی ہر سطح تے اخلاقی اتے سفارتی مدد جاری رکھیسی تے کشمیری بھراواں کوں کہیں وی سطح تے کلہا کائناں چھوڑیسی ۔
کشمیری عوام دا جذبہ گولیاں تے ظلم نال دبایا نی ونج سگدا ، سینیٹر لیفٹیننٹ جنرل (ر) عبدالقیوم دا بحرین اچ یوم یکجہتی کشمیر دی تقریب نال خطاب
مضمون کا ماخذ : نقدی پھٹنا
متعلقہ مضامین
