اسلام آباد۔5ستمبر(اے پی پی) وفاقی وزیر خزانہ و محصولات سینیٹر محمد اور نگزیب آکھیے پاکستان دی معیشت سدھے پاسے ٹردی پئی اے ،کلی معیشت دے استحکام سانڳے مختلف شعبیں اچ کلیدی اصلاحات دا عمل جاری اے۔ اے ڳالھ انھاں گلوبل ایمرجنگ مارکیٹس اکنامکس دی سربراہ جوہانا چوا تے سٹی گلوبل مارکیٹس تے دنیا دے وکھرے حصیں اچ ایندے سانجھے داراں تے سرمایہ کاراں نال ورچوئل ملاقات اچ آکھی اے ۔ وزیر خزانہ پاکستان دی معیشت دا جامع جائزہ پیش کیتے جیں اچ گزریل 1.5 سال اچ ملݨ آلے استحکام اتے ترقی تے روشنی پاتی ڳئی ، انھاں آکھیے استحکام سانڳے اقدامات دے نتیجے اچ پاکستان اچ سرمایہ کاراں دی دلچسپی ودھی اے ، انھاں آکھیے پاکستان دی معیشت سدھے پاسے ٹردی پئی اے ، حکومت معیشت دے کلیدی شعبیں اچ جامع اتے اہم اصلاحات کریندی پئی اے جیں دا مقصدکلی معیشت دے استحکام اتے ایندے نتیجے اچ تکڑی نمو یقینی ??ݨا??ݨ اے۔ انھاں آکھیے آئی ایم ایف نال 7 ارب ڈالر دے پر وگرام سانڳے ونڄم دے فیصلے دا مقصد کلی معیشت مستحکم کرݨ تے ڈھانچہ جاتی اصلاحات تے عمل درآمد یقینی ??ݨا??ݨ اے ۔ وزیر خزانہ معیشت دی حالت، جاری معاشی اصلاحات بشمول نجکاری، ٹیکسیشن، توانائی، آئی ٹی اتے زراعت سودھے مختلف شعبیں دے ودھارے سانڳے حکومت دیاں کوششاں تے شرکاء دے سوالاں دے جواب ݙتن
