اسلام آباد۔27ستمبر(اے پی پی) وفاقی وزیر داخلہ وانسدا منشیات محسن نقوی نال ام??یکہ دی بیورو آف انٹرنیشنل نارکوٹکس اینڈ لا ءانفورسمنٹ افیرز( آئی این ایل) دے وفد ملاقات کیتی جیں اچ سانجھی دلچسپی دے امور، ݙو طرفہ تعاون تے ڳالھ مہاڑ کیتی ڳئی ۔ وفد اچ ام??یکہ دی نائب سفیر نیٹلی بیکر، کنٹری ڈائریکٹر آئی این ایل لائن نیلسن، پولیس ایڈوائزر ایڈ پریسٹن اتے پولیس پروگرام سپیشلسٹ فیصل گل وی موجود ہن۔ وزیرداخلہ محسن نقوی آکھیے پاکستان دی پولیس و پیرا ملٹری فورسز دی استعداد ودھاوݨ اچ آئی این ایل غیر معمولی تعاون کریندا پئے ایں سلسلے اچ کئی اہم منصوبیں تے کم کیتا ویندا پئے جیڑھا جو تعریف دے قابل اے ۔چاہندوں جو اے تعاون مزید اڳوں ودھایا ۔ ماسٹر پلان دے ذریعے اہمیت رکھݨ آلے منسوبیں تے توجہ ݙتی ونڄے ۔ محسن نقوی آکھیے ایف آئی اے پاکستان دا ٻہوں اہم تحقیقاتی ادارہ اے، چاہندوں ایف آئی اے کوں آئی این ایل دے تعاون نال ایف بی آئی دی طرز تے متحرک ادارہ بݨایا ونڄے ، پاکستان اچ جرم دی سرکوبی سانڳے اے منصوبہ ھک اہم سنگ میل ثابت تھیسی ۔ وزیر داخلہ آکھیے نیشنل پولیس اکیڈمی دی نویں سروں تنظیم ٻہوں ضروری اے تاں جو اینکوں ھک عالم?? معیار دی اکیڈمی بݨایا ونڄ سڳے ، فرنٹیئر کانسٹیبلری پورے پاکستان اچ ریزرو پولیس دا کردار ادا کریندی پئی اے ایں فورس کوں جدید بنیاداں تے استوار کرݨ ویلھے دی اہم لوڑھ اے انھاں سارے امور اچ اساں کیتے ساریں توں اہم ام??یکہ دے تجربے توں فیدہ چاوݨا اے ۔ انسداد منشیات دے ضمن اچ وی ہرممکن قدم چاتے ویندے پئن ۔ ام??یکی وفد دی طرفوں دہشت گردی دے اڄوکے واقعات اچ قیمتی انسانی جاناں دے ضیان تے افسوس کیتا ڳئے ۔امریکی نائب سفیر ݙسائے آئی این ایل 42 سال توں حکومت پاکستان دے رلے کم کریندا پئے چاہندوں جو ایں تعاون کوں مزید تکڑا بݨایا ونڄے ، پاکستان دی سیکیورٹی اچ ہی ام??یکہ دی سیکیورٹی اے۔
