فیصل آباد۔ 08 نومبر (اے پی پی) مفکر پاکستان، حکیم الامت، شاعر مشرق ڈاکٹر علامہ محمد اقبال ؒ جیڑھے 9نومبر1877کوں سیالکوٹ اچ ڄمیے انھاں دا ڄمݨ ݙینھ (9نومبر ہفتے دے ݙینھ )پورے ملک اچ منایا ویسی ۔ ایں موقع تے صوبائی دارالحکومت سودھے سارے ڈویژنل، ضلعی، سٹی ہیڈ کوارٹرز تے نظریہ پاکستان فاؤنڈیشن، تحریک پاکستان ورکرز ٹرسٹ، علامہ اقبال لورز فیڈریشن،اقبال اکیڈمی اتے مختلف تنظیماں دے اہتمام نال خصوصی تقریباں، سیمینارز، کانفرنساں، مذاکرے، مباحثے، تقریری مقابلے، بیت بازی دے پروگرام منعقد کیتے ویسن جنہاں اچ فلسفی شاعر دی تحریک پاکستان اتے امت مسلمہ سانڳے خدمات کوں خراج عقیدت پیش کیتا ویسی ۔ یوم اقبال دی مرکزی تقریب فلسفی شاعر دے م??ار تے تھیسی جتھاں گارڈ آف آنر پیش کیتا ویسی اتے کیڈٹس دی تبدیلی وی تھیسی۔ ایں موقع تےن??از??جردے بعد مسیتاں اچ قرآن خوانی دی روحانی و با برکت اتے مقدس محفلاں وی منعقد کیتیاں ویسن جنہاں اچ وطن عزیز دی سلامتی، پاکستان دی نظریاتی، جغرافیائی سرحداں دی حفاظت، اسلام دی سر بلندی، آئین و قانون دی بالادستی، غربت، جہالت، بیروز گاری، مہانگ مکاوݨ ، انتہا پسندی، دہشت گردی توں نجات، اتحاد بین المسلمین، بین المذاہب ہم آہنگی، اخوت و یگانگت، بھرپی دی فضا دے ودھارے، معاشی وا قتصادی استحکام، عوامی فلاح، قومی خوشحال?? سانڳے خصوصی دعاواں وی منگیاں ویسن ۔ ایں موقع تے الیکٹرانک میڈیا خصوصی پروگرام نشر کریسی جݙاں جو پرنٹ میڈیا اچ وی خاص مضمون دیاں اشاعتاں دا اہتمام کیتا ویسی۔
