اسلام آباد۔22نومبر(اے پی پی) وزیر دفاع خواجہ محمد آصف بشری بی بی دے الزامات کوں پاک سعودی عرب تعلقات تے قاری ضرب قرار ݙیندے آکھیے سعودی عرب نال تعلقات کوں سیاست دی نذر کرݨ افسوسناک اے ، کل تعلقات خراب کرݨ دی ٻہوں گھٹیا تے غلیظ قسم دی کوشش کیتی ڳئی ، اے لوک خود کوں مذہب دا ٹھیکدار سمجھدن ، بشریٰ بی بی اپݨے آپ کوں شریعت آکھدیاں پئن ، جے او شریعت ہن تاں اللہ ہی حافظ اے ساݙا ،پی ٹی آئی اچ کوئی وی بانی پی ٹی آئی دی رہائی سانڳے سنجیدہ کائنی،عدالت دے فیصلے تے پی ٹی آئی دے ول ول اسلام آباد تے حملے دا معمول مکاوݨ کوں یقینی بݨیسوں ، بانی پی ٹی آئی نال براہ راست کوئی رابطہ یا مذاکرات کائنی تھیندے پئے ، بطور وزیراعلیٰ کے پی علی امین گنڈا پور نال اسٹبیلشمنٹ دا رابطہ اے ، جنرل باجوہ کوں چاہیدے جو او خود ایں الزام دی تردید کرن ۔ او پی ٹی وی ہیڈکوارٹرز اچ پریس کانفرنس توں خطاب کریندے پئے ہن ۔ وزیردفاع خواجہ آصف آکھیے سعودی عرب نال ساݙے تاریخی تعلقات ہن ۔ اتھاں 28 لکھ پاکستانی روزگار ??می??دے پئن ۔ بشریٰ بی بی دے الزامات شرمناک ہن، سیاست بچاوݨ سانڳے الزامات لاوݨ ٻہوں گھٹیا حرکت اے ، بشریٰ بی بی متنازع بیان سیاست دی ٻݙدی بیڑی بچاوݨ سانڳے ݙتے ۔ پی ٹی آئی قیادت دی طرفوں مذہبی دیوالیہ پن دا وی مظاہرہ کیتا ڳئے انھاں آکھیے تحریک انصاف اچ تریمتاں دا جھیڑا چلدا پئے ، اے سارا جھیڑا سیاسی جماعت دی وراثت سانڳے تھیندا پئے ، بھابھی اتے ننداں دی وراثت دی لڑائی اچ 3 ت??یمتاں ھک پاسے تے بشریٰ بی بی ݙوجھے پاسے ہن ، رہائی دے بعد بشریٰ بی بی دا پشاورونجݨ ، ایں توں بظاہر لڳدے جو سیاسی وارث او بݨدیاں پئن ۔ ملکی سیاست اچ ٻہوں ٻہوں پستی ݙٹھی ڳئی لیکن ایجھی پستی کائنی ݙٹھی جیویں سیاسی وراثت دا دعویٰ بشریٰ بی بی کیتے ۔ ھک معتبر صحافی دے توسط نال سابق آرمی چیف دا بیان آچکے، الزامات دی سنجیدگی ݙیکھدے ہوئیں قمرجاوید باجوہ کوں ذاتی طور تے خود ایندی تردید کرݨی چاہیدی اے انھاں آکھیے جیں ملک دے خلاف بیان ݙتے اتھوں گھڑی گھن تے انھاں کاروبار کیتا ، ایپکس ??می??ی اچ علی امین گنڈاپور آکھیے توشہ خانہ توں ساریں تحفے ڳھدن ، میݙے لیڈر وی ڳھدا تاں کیا تھئے ، فرق اے ہے ??و انہاں تحفہ ڳھدے ایں کوں ویچئے ، معمولی رقم جمع کرائی اتے باقی جیب اچ رکھ ڳھدی، انھاں دے خلاف الزام اے ہے ?? انھاں تے توشہ خانہ دا الزام کائنی۔خواجہ آصف آکھیے اے بھٹو اتے نواز شریف خاندان کوں ڳالھیں مندے ݙینن جو موروثی سیاست تھیندی اے، اتھاں موروثی سیاست نال نواسیں اچ لڑائی تھیندی پئی اے ، اے وراثتی سیاست دی انتہا اے۔انہاں آکھیے جیویں انھاں آپݨی تشہیر شروع کیتی اے ایں دا تساکوں آندے ݙینھاں اچ پتہ لڳ ویسی جو اے اُٹھ کیڑھے پاسے ٻہندے ، علی امین گنڈاپور آئے ݙینھ اسلام آباد تے پنجاب تے حملہ آور تھیندے پئن، 24 کوں انھاں دا اسلام آباد تے تریجھا حملہ ہوسی، خیبرپختونخوا دہشت گردی دا شکار اے، دہشت گردی روکݨ سانڳے خیبرپختونخوا اچ کوئی اقدام نی کیتا ڳیا اے لوک ملکی خارجہ پالیسی تے حملہ کریندن ، کاش اے کوئی حملہ دہشت گردی تے وی کرن ۔خواجہ آصف دعویٰ کیتے تحریک انصاف دی قیادت نی چاہندی جو بانی پی ٹی آئی چُھٹ ونڄے، بانی پی ٹی آئی چُھٹ ڳئے تاں پارٹی رہنماواں دی دکان نہ چلسی ۔وزیر دفاع آکھیے ساݙا تحریک انصاف نال ??وئی رابطہ کائنی ۔خواجہ آصف آکھیے سعودی عرب توں گھڑی گھن تے انھاں کاروبار کیتا ، امین گنڈاپور آکھیے میݙے لیڈر وی تحفہ ڳھدے تاں کیا گناہ اے ؟ علی امین گنڈا پور توں ودھ کوئی نی ڄاݨدا ، انھاں موصوفہ دی آڈیووی موجود اے، اے لوکاں کوں جھاڑ پلیندیاں پئن جو نوکریاں توں کڈھݨ دی تڑی ݙیندیاں پئن، مذہب اتے دین دے اتے اپݨا نقلی دعوی کیتا ویندا پئے آپݨے ٻال انہاں دے صیہونیاں کنے پلدے پئن ۔وزیر دفاع خواجہ آصف آکھیے تحریک انصاف دے احتجاج متعلق عدالتی فیصلے کوں پوری طاقت نال نافذکریسوں ۔ وزیر دفاع آکھیے کل وی خیبرپختونخوا اچ خون ریزی تھئی تے وزیراعلیٰ ??ر چوتھے ݙینھ وفاق یا پنجاب تے حملہ کر ݙیندن ، خیبرپختونخوا حکومت دہشت گردی دے خلاف ہݨ تئیں کیا کیتے؟۔
