اسلام آباد 24 نومبر (اے پي پي) د وزيراعظم د قامي سلامتيا صلاحكار ډاکټر معيد يوسف وئيلي دې په جنګ ځپلي هېواد افغانستان مالي بنديزونه د نړيوالو ډونر ايجنسيو د مرستې په هڅو كښې خنډان جوړېږي،نړيوالې ورورولۍ له به 35 مليونه څخه زياتو افغانانو له ريليف او مرستې لپاره هڅې كول وي۔ سي اين اين سره په خپله مركه كښې ده ووئيل مونږ ټولو له به ځان په دې خبرول وي چې په افغانستان كښې څه ډول انساني تباهي رامخې ته كيدې شي۔ ډاکټر معيد يوسف ووئيل د ملګرو ملتونو ورلډ فوډ پروګرام (ډبليو ايف پي) په خپل يو رپورټ كښې وئيلي دي 23 مليونه افغانان د يخښنۍ په موسم كښې د خوراك كمي سره مخ كيدے شي۔ ده ووئيل لويديزې ادارې دا هم رپورټ وركړے چې د افغانستان ميرمنې د كورونو د استعمال څيزونه د خپلو بچو د خوراك لپاره خرڅوي، لږ تصور دې وكړے شي چې كه چرته داسې كېږي نو په دې څه غبرګون رامخې ته كيدے شي۔ ده ووئيل په دې بايد د سياست نه علاوه كار وكړے شي،دا مهال نړۍ له 35 نه تر 40 مليونه افغانانو له مرستې ته پام لرنه پكار ده كوم چې ستونزو سره مخ دي،په دې اړه چې پاکستان څه كولې شي هغه كوي۔ده ووئيل پاکستان مالداره هېواد نه دے خو بيا هم نزدې 30 مليونه ډالره ئې عطيه كړي او افغانستان له نجي عطيات هم وركړے كېږي۔ ده ووئيل اصل مسئله دا ده چې نړيوالو انساني تنظيمونو له په افغانستان كښې د پیسو وركولو اجازه نه وركړے كېږي دغسې چې د صحت عملې له تنخاګانې وركولو له مرستې وكړې شي۔ده ووئيل لويديز هېوادونه او نورې نړۍ د اړخه د بشري مرستې لوظ شوے خو هلته د پېسو نه رسيدو په وجه بينکنګ چينلز دي ، په دې حقله ځينې بنديزونه لګېدلي كومو چې بېنكونه زيات محتاط کړي، ځكه ملګري ملتونه ، ډبليو ايف پي، آئي سي آر سي له هم د خپل بېنك اکاؤنټس چلولو اجازه نه وركوي چې خپلې پېسې افغانستان ته ورسوي او په هغې څيزونه واخلي او افغانانو له ئې وركړي چې ورسره په ممکنه توګه د يخښنۍ په موسم كښې افغانان د سنګين صورتحال سره مخ نه شي۔ده په دې خبره زور راوړو بايد دا واضح كړې شي چې انساني مرستې باندې د وړاندې څخه په بنديزونو كښې استثنيٰ ترلاسه ده ٬ د طالبانو حکومت د دې سره كوم تعلق نه لري۔ ده ووئيل دا مرسته به نړيوالو تنظيمونو له وركولې شي۔د يوې پوښتنې په ځواب ده ووئيل پاکستان د افغانانو آسانيو لپاره فضائي او زمكيزې آسانۍ وركړي، پاکستان د افغانانو په انخلاء كښې هم مرسته كړې۔ مونږ د امريكې پشمول د 42 هېوادونو نه د زياتو 53,000 كسانو سره په انخلاء كښې مرسته كړې ۔ ډاکټر معيد ووئيل د پاکستان د اړخه د افغان كډوالو كوربتوب يو تاريخ دے ، افغانستان كښې د عدم استحکام اثر په پاکستان راغلے ځكه چې مونږ د لويديز ګاونډي هېواد سره 1,600 ميله اوږده پوله لرو ۔د يوې بلې پوښتنې په ځواب ده ووئيل نزدې 25,000 نه تر 35,000 افغانان د ورځې پاکستان نه ځي راځي، كه د كډوالو بحران راپيدا شو نو په پاکستان به د دې سمدستي اثر پريوځي دغسې پاکستان كښې د تيرو څلورو لسيزو راهسې 40 لکهه افغان كډوال موجود دي ، مونږ له به د نورو انساني ستونزو مخنيوے کول وي۔ د عبوري افغان حکومت په اړه د پوښتنې په ځواب كښې ده ووئيل مونږ د افغانستان سره رسمي اړيكې لرو ، پاکستان پرله پسې د سيمه ايزې سفارت کارۍ قيادت کړے، مونږ له مخ په وړاندې تللو لپاره سيمه ايز او نړيوال اتفاق ته اړتيا ده۔ پاکستان او افغانستان ترمينځه د پلاويو اوسنو دورو په اړه ده ووئيل زمونږ په وړاندې درې مسئلې پرتې دي ،يو انساني مرسته او د هغې نتيجه د ټولو په وړاندې ده،په دې اړه پاکستان چې څه كولې شي هغه كوي۔دويمه دا چې زمونږ د افغانستان سره 1,600 ميله اوږده پوله ده او بارډر مينجمنټ زمونږ لپاره زيات مهم دے۔ ده ووئيل مونږ په افغانستان كښې د نړيوالو ترهه ګرو او د ټي ټي پي د هلو ځلو متحمل كيدے نشو۔په تيرو دوه لسيزو كښې هند د افغان انټيلي جنس او د ټي ټي پي ملاتړ کولو او مونږ په دې اړه د افغان عبوري حکومت سره خبرې كوو۔ده ووئيل دريمه دا مسئله ده چې پاکستان په افغان حکومت زور راوړي چې هغه څه وكړي چې نړۍ د بشري حقونو ، شموليت او خپله خاوره د ترهه ګرۍ لپاره د نه كارولو باور وركړي ۔ده ووئيل افغان پلاوې چې كله پاکستان ته راغلے نو په وړومبي ځل د پاکستان، چين، روس او امريکې ميټنګ شوے او امريکې او نورو د دې پلاوې سره هم ملاقات كړے۔ده ووئيل هر څوك چې پاکستان ته راځي خو زمونږ کردار يواځې د آسانيو وركولو دے او بدګماني لرې كول هم دي، مونږ ټول د دې مقصد لپاره كار كوو خو دا مهال تر ټولو مهمه خبره د 35 مليونه افغانانو فکر کول دي كوم چې د انساني بحران سره مخ دي
په جنګ ځپلي هېواد افغانستان مالي بنديزونه د نړيوالو ډونر ايجنسيو د مرستې په هڅو كښې خنډان جوړېږي، د وزيراعظم د قامي سلامتيا صلاحكار ډاکټر معيد يوسف سي اين اين سره مركه
مضمون کا ماخذ : امکان ہے کہ میگا سینا
متعلقہ مضامین
.jpg)
