اسلام آباد ۔ 20 مئی (اے پی پی) چینی صدر شی جن پنگ اتے وزیراعظم لی کی کیانگ پاک چین سفارتی تعلقات دی 65ویں سالگرہ دے موقعے تے پاکستان دی حکومت اتے لوکیں کوں ??بارخ ڈیندے ہوئیں پاکستان کوں ہک چنگا ہمسایہ، قریبی دوست، بااعتماد شراکت دار اتے چین دا پیارا بھرا آکھے ۔ صدر ممنون حسین اتے وزیراعظم محمد نواز شریف دے ناں آپنڑیں انج انج مبارخی پیغامات اچ چینی قیادت آکھے جو چین پاکستان تعلقات عالمی اتے داخلی حالات دی تبدیلی دے باوجود آزمائش دی ہر گھڑی تے پورا تھئے ہن اتے انہاں تعلقات اچ مستقل اگوہیں تھئی ہے ۔ چینی صدر شی جن پنگ آکھے جو چین اتے پاکستان سدابہار سٹرٹیجک پارٹنر ہنا تے حالیہ سالیں اچ انہاں دے تعلقات بئے مضبوط تھئے ہن ۔ انہاں آکھیا جو اساں جامع پائیدار تعاون اچ مثبت اگوہیں کیتی ہے اتے ڈوہائیں ملکاں وچال عوامی سطح تے تبادلیاں اچ ودھارا تھئے ۔ شی جن پنگ آکھیا جو چین پاکستان کوں بیلٹ اینڈ روڈ انیشیٹو دی تعمیر اچ ہک اہم سانجھے دار تصور کریندے ۔ انہاں آکھیا جو چ??ئنا پاکستان اکنامک کوریڈور دی تعمیر نال پاکستان اتے چین دی کمیونٹی دی مشترکہ منزل دی تعمیر کیتے ٹھوس بنیاد فراہم تھیسی ۔ انہاں آکھیا جو او چین پاکستان تعلقات کوں بہوں اہمیت ڈیندے ہن اتے ہک چنگے مستقبل کیتے پاکستان دے صدر نال کم کرنڑ کوں تیار ہن ۔ چینی وزیر خارجہ وینگ یی وزیراعظم دے مشیر برائے امور خارجہ سرتاج عزیز دے ناں آپنڑیں پیغام اچ آکھے جو چین اتے پاکستان وچال باہمی مفاہمت، احترام موج??د ہے جو ہک ڈوجھے دی حمایت کریندے ہن ۔ انہاں آکھیا جو ڈوہائیں ملکاں وچال ٹھوس سیاسی، باہمی اعتماد اتے سدا بہار دوستانہ تعلقات ہن ،جنہاں وچال سارے شعبیاں اچ تعاون ہے۔ انہاں آکھیا جو چین دی خارجہ پالیسی اچ پاکستان کوں ترجیحی حیثیت حاصل ہے، انہاں سدابہار سٹرٹیجک، باہمی شراکت داری کوں ??ضبوط بنڑاونڑ کیتے ودھ ساریاں کوششاں دے عز?? دا اظہار کیتا۔ پاکستان اچ چین دے سفیر سن وی ڈونگ آپنڑیں پیغام اچ آکھیا جو چین اتے پاکستان دا دوستانہ سانجھا خواب ہے، مشترکہ مستقبل ہے۔
چینی قیادت دے صدر مملکت ممنون حسین، وزیراعظم محمد نواز شریف اتے مشیر برائے امور خارجہ سرتاج عزیزدے ناں مبارخ دے پیغامات
مضمون کا ماخذ : تھنڈرسٹرک II
متعلقہ مضامین
