سیالکوٹ۔5اکتوبر(اے پی پی) وز??ر دفاع خواجہ محمد آصف آکھیے پی ٹی آئی دے رہنماواں اقتدار دی محرومی اچ پاکستان نال وفاداری کوں وی پچھوں چھوڑ ݙتے ،پی ٹی آئی تے عمران خان دی کمٹمنٹ پاکستان نال کائنی صرف اقتدار نال ہے کیوں جو انھاں لوکاں سانڳے سارا کجھ اقتدار ہی اے، پی ٹی آئی 2014 ء اچ وی چینی صدر دے آوݨ تے دھرنا ݙتا ہئی ایویں ہݨ ول ݙاہ سال بعد پی ٹی آئی اوہا سازش اختیار کیتی اے تے شنگھائی تعاون تنظیم دے اجلاس جیھے اہم عالمی پلیٹ فارم دے موقع تے اینکوں ثبوتاثر کرݨ سانڳے اے سارا کجھ کیتا ویندا پئے ،مسلح جتھے گھن آئے وین??ے پئن جنھاں اچ سینکڑاں افغانی موجود ہن، پی ٹی آئی دے احتجاج توں افغانیاں دیاں گرفتاریاں وی تھئن ۔اے ڳالھ انہاں سیالکوٹ کینٹ اچ آپݨی رہائش گاہ تے ھک پریس کانفرنس توں خطاب اچ آکھی، انھاں آکھیے پی ٹی آئی دے احتجاج ہمیشہ پاکستان دی تعمیر و ترقی روکݨ دی کوشش کیتی ، پی ٹی آئی دے احتجاج اچ سینکڑاں افغانی وی آن??ے پئن جیڑھے ناڄاݨے طالبان ہن یا کون ہن اے تاں بعد اچ شناخت تھیسی۔ انھاں آکھیے پی ٹی آئی ھک مسلح جتھ جماعت اے جیں دی قیادت ھک صوبے دا وز??راعلیٰ علی امین گنڈاپور کریندا پئے تے پاکستان دے ھک صوبے توں پاکستان دے ݙوجھے حصیں تے حملہ کرݨ ویندا پئے جیں اچ سرکاری پیسہ اتے وسائل استعمال کیتے وین??ے پئن۔ افسوس دا مقام اے جو پی ٹی آئی ھک پاسے افغانی طالبان کوں مسلح کرتے دارالحکومت تے حملہ آور تھیندی پ??ی تے ݙوجھے پاسے بھارتی وز??ر خارجہ جے شنکر کوں آپݨے ڈی چوک دے احتجاج اچ خطاب دی دعوت ݙیندی پ??ی اے جیڑھا جو انھاں دی ملک دشمنی دا منہ ٻولیندا ثبوت اے ، پی ٹی آئی توں اے پچھݨا چاہیدے جو انھاں ایجھا بیان کیوں ݙتا، انھاں لوکاں 2014ء اچ وی ایویں حملہ کیتا تے 126 ݙینھ دھرنا ݙتی رکھیا جیں توں چینی صدر دا دورہ پاکستان موخر تھیا تے ول اساکوں ھک سال انھاں دے دورے دا انتظار کرݨا پیا ایویں ہݨ ݙاہ سال بعد ول پی ٹی آئی اوھا سازش اختیار کیتی اے تے شنگھائی تعاون تنظیم (ایس سی او)جیھے اہم پلیٹ فارم کوں ثبوتاثر کرݨ سانڳے اے لوک احتجاج دا سہارا گھن??ے پئن ، سیاسی کشیدگی ماضی اچ وی تھیندی رہی اے لیکن کہیں جماعت پاکستانی ہووݨ دی آپݨی شناخت کوں کݙاہیں پچھوں نی چھوڑیا لیکن پی ٹی آئی آلے ڈی چوک اچ بھارتی وز??ر خارجہ جے شنکر کوں خطاب دی دعوت ݙین??ے پئن ۔وزیردفاع آکھیے اقتدار دی محرومی اچ پاکستان نال وفاداری کوں وی ملیامیٹ کرݙتا ڳئے ، بانی پی ٹی آئی آپݨے دور اچ پوری اپوزیشن کوں جیل اچ پاتا ہئی اساں و??وں کݙاہیں پاکستان دے مفاد دے خلاف ڳالھ نی کیتی ڳئی ، اتنی ہی ڳالھ ہے تاں اے نریندر مودی کوں وی آپݨے دھرنے اچ دعوت ݙے گھنن ، پی ٹی آئی دی شناخت بے نقاب تھیندی پ??ی اے جیڑھے افغان طالبان کوں رلے ڳھدی آندن تے ݙوجھے پاسے جے شنکر کوں آپݨے جلسے اچ خطاب دی دعوت ݙین??ے پئن حالانکہ اساں تاں عالمی سطح تے وی بھارتی نمائندیں نال ملݨ تاں پرے دی ڳالھ ہتھ وی نی ملیندے لیکن پی ٹی آئی آلے انہاں کوں دعوت ݙین??ے پئن ، پاکستان دشمن قوتاں دی اعانت نال پی ٹی آئی دارالحکومت اسلام آباد تے حملہ آورتھیندی پ??ی اے جنہاں طالبان دے ہتھوں ساݙے نینگراں تے عام شہریاں دا خون اے انہاں کوں آپݨے رلے ڳھدی آندن تاں ول اے ملک تے قوم نال کیویں مخلص تھی سڳدن تساں خود ݙیکھ گھنو، اساں انھاں دے ناپاک عزائم کوں کہیں صورت کامیاب نہ تھیوݨ ݙیسوں ۔ خواجہ محمد آصف آکھیے وز??رستان اچ لیفٹیننٹ کرنل سودھے ساݙے جوان شہید تھئن لیکن پی ٹی آئی آلیں کݙاہیں شہدا ءکوں خراج عقیدت پیش نی کیتا اڄ تئیں انھاں مسئلہ فلسطین تے آواز نی چاتی ، غزہ دے مسلماناں دے حق اچ انہاں دا ھک وی بیان ݙکھا ݙیو ، اسلام آباد تے حملے کوں اساں دشمن دا حملہ سمجھدوں ۔
