د او آئي سي د غړو هېوادونو ترمينځه اتحاد ته د ودې وركولو ضرورت دے۔د خارجه وزير شاه محمود قرېشي د او آئي سي سېكرټري جنرل محسن ابراهيم طحه سره شريك خبري كنفرنس ته وېنا

APP84-230322 ISLAMABAD: March 23 Secretary-General of the Organization of Islamic Cooperation (OIC) Hussein Ibrahim Taha and Pakistan Foreign Minister, Shah Mahmood Qureshi address press conference after the 48th Session of OIC Council of Foreign Ministers at Parliament House. APP photo by Irfan Mahmood

اسلام آباد 23 مارچ (اے پي پي)خارجه وزير شاه محمود قرېشي وئېلي دي چې پاكستان د اسلامي امت د چېلنجونو مخ نيوي لپاره تيار دے٬د او آئي سي د غړو هېوادونو ترمينځه اتحاد ته د ودې وركولو ضرورت دے٬مونږ ته به د فلسطين٬د كشمير او د ميانمر د مسلمانانو د ستونزو مخ نيوې كول وي۔د اسلامو فوبيا مخ نيوي لپاره د لا كار كولو ضرورت دے۔د شورو په شورځ د او آئي سي د خارجه وزيرانو د كونسل د 48مې غونډې په اړه د او آئي سي سېكرټري جنرل حسېن ابراهيم طحهه سره شريك خبري كنفرنس ته د وېنا كولو په مهال خارجه وزير د پاكستان وزيراعظم عمران خان مننه وكړه كوم چې د او آئي سي د خارجه وزيرانو د كونسل د 48مې غونډې په انتظاماتو او انعقاد كښې ذاتي خوښي واخستله۔ده ووئيل چې په غونډه كښې مونږ د 800 استازو هركلے كړې۔خارجه وزير د او آئي سي د سېكرټرېټ او په خاص توګه د سېكټري جنرل په مرسته د هغوي مننه وكړه۔خارجه وزير ووئيل چې د چين خارجه وزير زمونږ په خاص بلنه تشريف راوړو كومه چې د دې خبرې څرګندونه ده چې چين اسلامي نړۍ سره د روابطو وده غواړي۔چين اسلامي هېوادونو سره د تجارت او سرمايه كارۍ مراسم غواړي٬د پاكستان وسله والو ځواكونو د غونډې په امنيتي انتظاماتو كښې كليدي كردار ترسره كړې٬زه د هغوي مننه كول هم ضروري ګڼم۔ده ووئيل چې د اسلامي هېوادونو ترمينځه د سائنس او ټېكنالوجۍ په څانګه كښې د مرستې زياتولو ضرورت دې۔ده ووئيل چې د امن ودې لپاره به پاكستان ډېر زر يو پيپر شريك كړي۔د دې نه علاوه په كنفرنس كښې منظور شوي قراردادونه به هم عملي كولې شي۔ده ووئيل چې وزيراعظم عمران خان د پرانستې په وېنا كښې د اسلامي امت په چېلنجونو خبرې كړې دي۔وزيراعظم د كشمير په مسئله واضحه خبره كړې د بشري حقونو څخه د سرغړونو او د ناانصافۍ ذكر يې كړې۔خارجه وزير ووئيل چې لوے څښتن اسلامي امت ته ډېرې وسيلې وركړې دي٬مونږ ته په خپلو صفونو كښې د اتحاد پېدا كولو ضرورت دې۔پاكستان د چېلنجونو په مخ نيوي كښې د پل كردار ترسره كولو لپاره پوخ عزم لري۔ده ووئيل چې د چيئرمېن په توګه په دې وئېلو خوشحاله يم چې كله مونږ په دسمبر كښې يوځاې شوي وو نو د افغانستان په اړه زمونږ نظر واضحه وو او مونږ كاميابي ترلاسه كړې٬په دې غونډه كښې مونږ د كشمير مسئله د رامخې ته كولو عزم لرلو۔د او آئي سي د كشمير رابطه ډلې په غونډه كښې مونږ ګڼ شمېر پريكړې كړی دي٬مونږ د قراردادونو نه زيات ايكشن پلان مرتب كړې۔زه هيله لرم چې په نيويارك٬جنيوا او جده كښې به زمونږ استازي په كشمير كښې د بشري حقونو څخه روانې سرغړونې په ډاګه كولو لپاره پرله پسې غونډې روانې وساتي۔خارجه وزير ووئيل چې د فلسطين په مسئله د پاكستان پوزېشن واضحه دې٬مونږ تېر كال د روژې په مهال د مسجد اقصٰی د دردونكې پېښې نه پس نورو خارجه وزيرانو سره نيويارك ته د تللو پريكړه كړې وه۔د اسلام آباد اعلاميه د نننۍ غونډې مركزي حاصل دے۔د كشمير په اړه بشپړ قرارداد رامخې ته شوې٬د كشمير مسئلې په اړه په شريكه اعلاميه د كشمير رابطه ډلې د غونډې نه پس راغلې۔ده ووئيل چې افغانستان لپاره د جوړ فنډ چارټر لاس ليك شوې۔د دې غونډې په حاصل كښې د خاص استازي ټاكنه٬د رحمت اللعالمين ټرسټ جوړول او په سوئېلي آسيا كښې امن لپاره قرارداد د ذكر وړ دي۔د مارچ په 9مه نېټه د هند لخوا د فضائي حدود د خلاف ورزۍ نه پس د او آئي سي سېكرټري جنرل او د سلامتي كونسل صدر ته د خط د لارې اندېښنه ښودلې شوې او د شريكو پلټنو غوښتنه شوې٬ما دوي ته وئېلي چې د مېزائل حادثاتي فائر د حادثاتي جنګ سبب جوړېدې شي۔پاكستان په اسلامي امت كښې د شخړو حل لپاره لائحه جوړولو لپاره د وزارتي غونډې رابللو تجويز وركړې۔ده ووئيل چې د اسلامي امت د چېلنجونو په اړه 140 قراردادونه رامخې ته شوي٬ 20 قراردادونه د پاكستان لخوا يا د پاكستان په شركت وړاندې كړی شوي۔د او آئي سي د خارجه وزيرانو د كونسل په 48مه غونډه كښې د يوكرين په صورتحال تفيصلي خبرې شوې دي۔د انسانانو د ژوند د زيان خطر په نظر كښې ساتلو سره پاكستان د ملګرو ملتونو د چارټر او د نړيوالو قوانينو په رڼا كښې د امن په هڅو كښې شركت لپاره آماده دې۔د او آئي سي استازو د يوكرين جنګ په اړه اندېښنه ښودلې او په غونډه كښې يوكرين لپاره د انساني همدردۍ په بنياد د رېليف كورېډور غوښتنه شوې۔خارجه وزير ووئيل چې د ملګرو ملتونو د قراردادونو سره هم د كشمير مسئله لا هم حل طلب ده۔په مقبوضه كشمير كښې د بشري حقونو څخه د سرغړونو لړۍ روانه ده۔ده ووئيل چې د اسلامو فوبيا په ضد متفقه قرارداد خوشبينه دې۔د اسلامو فوبيا په اړه د خاص استازي د ټاكلو پريكړه شوې۔د او آئي سي سېكرټري جنرل حسېن ابراهيم طحه د غونډې په كاميابۍ او د پاكستان د 75مې سالګرې په موقع د پاكستان حكومت او اولس ته مباركي وركړه۔ده په غوره انتظاماتو او مېلمستيا مننه وكړه۔ده ووئيل چې د اسلامو فوبيا په اړه د پاكستان هڅې د ستائنې وړ دي۔او آئي سي ملګرو ملتونو سره په ګډه د اسلامو فوبيا مخ نيوي لپاره تيار دے۔په دې لړ كښې د نائيجېريا لخوا فنډ لپاره تقريبا يو ملين ډالر ترلاسه شوي دي۔سېكرټري جنرل نورو هېوادونو ته هم ووئيل چې دوي دې هم په دې كښې خپله برخه واچوي۔ده ووئيل چې د او آئي سي د غونډې په ايجنډا كښې فلسطين سرفهرست و۔په غونډه كښې د كشميراو فلسطين په مسئلو تفصيلي بحث شوې۔سېكرټري جنرل ووئيل چې مونږ د كشميري اولس د خپلواكۍ د حق د ملاتړ پخلې كوو۔ده وئيل چې زياتره غړي هېوادونه په دې وخت كښې د ترهه ګرۍ پشمول ګڼ شمېر چیلنجونو سره مخ دي۔په دې قابو موندلو لپاره د شريكو هڅو او بشپړه مرستې ضرورت دے۔

مضمون کا ماخذ : لکی لیپریچون