اسلام آباد۔9اکتوبر (اے پی پی)وزیراعظم عمران خان آکھیے بھاویں اپوزیشن جیویں جلسے جلوس کرگھنے جیکر انہاں قانون ہتھ اچ گھنڑ دی کوشش کیتی ??اں سیدھے جیل ویسن،سڑکاں تے نکل تے عمران خان کوں بلیک میل کرنڑ دے خواب ڈیکھنڑآلے ناکام تھیسن?? اپوزیشن دا مسئلہ جمہوریت نئیں کرپشن بچاونڑ اے،ملک ترقی دی راہ تے ٹر پیے تہوں اپوزیشن کوں حکومت ڈھواونڑ دی جلدی اے،پہلے نوازشریف باھرو ونجنڑ کیتے منت ترلے کیتن اتے اج دھمکیاں اتے ملک دشمنی تے آگین،اے لوک بھارت دا ایجنڈا گھن تے ملک اچ سیاست کریندے پین،فوج تے تنقید کرنڑ اآلے ڈساون جو فوج کوں میڈے توں کیوں کوئی مسلہ کائنی،ساکوں دہشتگردی اچ لازوال قربانیاں ڈیونڑ اآلی فوج تے مانڑ ہوونڑا چاہیدے،وکیلاں کوں قائداعظم دے نقش قدم تے چلنڑا چاہیدے۔ اے گالھ انہاں انصاف لائرز فورم ولوں سیمینار نال خطاب اچ آکھی۔ وزیراعظم عمران خان آکھیا جیکر کوئی سمجھدے جو میں مدینہ دی ریاست دا ناں صرف ووٹ گھنڑ کیتے استعمال کر یندا پیاں تاں اے ??ے بالکل غلط اے،قائد اتے علامہ اقبال وی مدینہ دی ریاست دا اصول ڈتا ہاجتھاں کوئی وی قانون توں باھرو کائنی،قانون دی بالادستی مہذب معاشرے دی بنیاد ہوندی اے۔ وزیر اعظم آکھیے جو اے ہک فیصلہ کن ویلھا اے ??ڈاں سارے بے روزگار سیاستدان کٹھے تھی گین،اے قانون دی بالا دستی منیندن ناں ہی کہیں کوں کوئی جواب ڈیونڑ دے روادار ہین،جیکر کوئی پچھ گھنے تاں ایکوں انتقامی کارروائی آکھ تے پارسا بنڑن دی کوشش کریندن،شریف خاندان ہک فیکٹری توں کئی فیکٹریاں ، بیرون ملک جائیداداں،مال بنڑا گھدے بھل اے کیویں بنڑائے کجھ نئیں ڈساونڑ کوں تیار،اے ??ڑکاں تے آندے پین بھل کیا کہیں چوری کوں بچاونڑ کیتے لوک انہاں دے نال نکلسن،اے پیسے وی لیسن، قیمے آلے نان وی کھویسن بھل انہاں دے ہتھیں کجھ ناں لگسی۔وزیراعظم آکھیے جو کجھ درباری نوازشریف کوں امام خمینی نال رلیندن،کتھاں امام خمینی کتھاں اے نہاری خور؟جیکر پور?? اپوزیشن رل وی گئی تاں انہاں کوں کوئی این آر او نہ ملسی،نوازشریف بیماری دے بہانے پیریں پو تے باھرو گین بھل لندن پجدے ہی نواں نوازشریف نکھتے،ہنڑ نہ ولدن نہ عدالتی فیصلے منیندن،ہتھو قومی اداریاں کوں دھمکیاں ڈیندن،جائیداداں ہین بھل ایندے ثبوت کائنی،جیکر میں چالہی سال پرانڑا حساب ڈے سگداں تاں انہاں کوں کیا اوکھ اے؟کوئی ملک ترقی نئیں کرسگدا جتھاں قانون دی حکمرانی نہ ہووے اتے کرپشن ہووے،بدقسمتی نال ساڈے حکمران ہی چور نکلین تاں ملک کیویں ترقی کریندا، بھاویں کوئی کتنا ہی طاقتور کیوں نہ ہووے،ملک اچ قانون دا اطلاق یقینی بنڑیسوں،عدلیہ آزاداے ??ھل اے لوک این آر او دی خاطر بھارت دا ایجنڈاگھن تے سیاست کریندے پین،ایف اے ٹی ایف جھیں مسلے تے وی انہاں بلیک میلنگ دی کوشش کیتی ??ے۔ وزیراعظم آکھیے جیکر گالھ جمہوریت دی اے ??اں ایندی وڈی مثال میں آپ ہاں جیڑھا ??نج حلقیاں توں الیکشن جیت تے آئے،2018ءدے الیکشن اچ 93 عذرداریاں ریکارڈتھین جیندے اچوں ادھے توں ودھ تحریک انصاف دے امیدواراں درخواستاں ڈتن جو او بہوں گھت مارجن توں ہرین بھل ایندے باوجود نواز شریف دی پارٹی فوج اتے عدلیہ کوں گالھیں کڈھدی اے،ملکی بالا دستی ??تے ترقی داایہو تقاضا اے ??و انہاں کوں این آر او نہ ڈتا ونجے، انہاں قانون تروڑیا تاں انہاں کوں وی آئی پی نئیں ع??م قیدیاں آلی جیل پچایا ویسی۔
اپوزیشن بھاویں جتنے مرضی جلسے جلوس کرگھنے جیکر قانون تروڑیا تاں سیدھا جیل ویسن،وزیراعظم عمران خان دا انصاف لائرز فورم دے سیمینارنال خطاب
مضمون کا ماخذ : بونانزا
متعلقہ مضامین
