اسلام آباد۔2اگست (اے پی پی):وفاقی وزیر اطلاعات و نشریات چوہدری فواد حسین پورے ملک اچ پیغام پاکستان ضابطہ اخلاق تے عمل درآمد دے اعلان کوں خوش آئند قرار ݙیندے ہوئیں آکھیے جو اسلام سلامتی، امن، رواداری، تحمل، برداشت اتے عدم تشدد دا مذہب اے، فرقہ وارانہ منافرت، مسلح فرقہ وارانہ تصادم اتے طاقت دے زور تے آپݨے نظریات ݙوجھیں تے مسلط کرݨ دی اجازت نی ݙتی ونڄ سڳدی ، اے ڳال انہاں سنوار کوں وزیراعظم دے نمائندہ خصوصی مذہبی ہم آہنگی و مشرق وسطی تے پاکستان علما کونسل دے چیئرمین حافظ محمد طاہر محمود اشرفی نال ملاقات اچ آکھی اے ۔ وفاقی وزیر اطلاعات آکھیے ??و حکومت ملک اچ محرم الحرام دے دوران امن و امان دے قیام کیتے ہرممکن اقدامات کریندی پئی اے، ایں ضمن اچ پاکستان علما کونسل اتے متحدہ علما بورڈ دا ملک اچ مذہبی ہم آہنگی اتے بھرپی دے ودھارے کیتے کردار لائق تحسین اے ۔ وفاقی وزیر اطلاعات آکھیے جو ملک اچ مذہبی ہم آہنگی دے ودھارے کیتے میڈیا دا کردار ٻ??وں اہمیت رکھیندے ، انہاں آکھیے جو کجھ عناصر ملک اچ فرقہ واریت کوں ہوا ݙیوݨ کیتے ملک دشمن قوتاں دے ہتھاں اچ کھیڈدے پئن ، اے آپݨے عزائم اچ کݙاہیں کامیاب نہ تھیسن، ایں موقع تے حافظ طاہر محمود اشرفی آکھیے جو نفاذ شریعت دے ناں تے طاقت دا استعمال، ریاست دے خلاف مسلح محاذ آرائی، تخریب کاری و فساد تے دہشت گردی دیاں ساریاں صورتاں شریعت دی رو توں حرام ہن۔ انہاں آکھیے جو سارے مسلک دے علما و مشائخ اتے مفتی??ن پاکستان انتہا پسندانہ سوچ اتے شدت پسندی کوں مسترد کریندن ۔ محرم الحرام اچ امن و امان کوں ہر صورت برقرار رکھیا ویسی۔
اسلام سلامتی، امن، رواداری، تحمل، برداشت اتے عدم تشدد دا مذہب اے، وفاقی وزیر اطلاعات چوہدری فواد حسین دی حافظ طاہر محمود اشرفی نال ملاقات اچ ڳال مہاڑ
مضمون کا ماخذ : prêmios lotofácil
متعلقہ مضامین
