اسلام آباد ۔یکم دسمبر (اے پی پی) صدر مملکت ممنون حسین آکھیاہے جو نبی کریم دی تعلیمات دا خلاصہ ایہ ہے جو زندگی دے ہر معاملے اچ میانہ روی اختیار کیتی ونجے۔ عید میلاد النبی 1439ھ دے موقع تے اپنڑے ہک پیغام وچ صدر مملکت آکھیا ہے جونبی آخر الزمان حضرت محمدﷺ دے یوم ولادت دے مبارخ موقع تے اہل وطن اتے عالم اسلام کوں دلوںمبارخ باد پیش کریندوں۔ انہاں آکھیا جو اج دا مقدس ڈینھ اساڈے کیتے تذکیروتجدید عہد داڈینھ ہے تاں جو اہل اسلام تعلیمات نبویﷺ نال اپنڑاں رشتہ ودھ پکا کر تے اپنڑے معاشرے کیتے نیں بلکہ کرہ ارض کوں جنت نظیر بناونڑسانگے اپنڑاں کردار ادا کرن ۔ صدرمملکت آکھیا جو حضور اکرم نبی رحمت ﷺ دی بعثت دامقصد ایں دنیا توں ظلم، فسق و فجور اتے خود ساختہ خداواں کوں مکاونڑ توں علاوہ بنی نوع انسان سانگے رحمت تے شفقت کوں عام کرنڑ اںہا۔ آقائے نامدار حضرت محمد ﷺ ??لم اتے جہالت نال بھرے ہوئے معاشرے وچ خود مثال بنڑ ت?? نیکی، چنگائی اتے صلہ رحمی دادرس ڈتا۔ آپ ??ی آفاقی تعلیمات داخلاصہ ایہ ہے جو زندگی دے ہر معاملے وچ میانہ روی اختیار کیتی ونجے ۔کہیں وی حالت وچ انصاف دا دامن ہتھ وچوں نہ چھوڑیا ونجے اتے کھنڈئے رشتیں دا گانڈھا گھنڈیا ونجے ۔ انہاں آکھیا جو آپ ??ی تعلیمات ڈکھی انسانیت سانگے خوشیاں گھن آندین ۔ اگر تاجدار مدینہ ﷺ دی تعلیمات دی روشنی وچ اپنڑی ذات توں گھن تے معاشرے تئیں کھنڈے ہوئے ہر مرحلے وچ اصلاح دا عمل شروع کرڈتا ونجے تاں اساڈے مسئلے مک ویسن اتے معاشرہ جنت دانمونہ بنڑ ویسی۔ ایہو سیرت النبیﷺ داحقیقی پیغام ہے۔ انہاں دعا کیتی جواللہ سائیں اساکوں نبی کریم ﷺ دے اسوہ حسنہ تے عمل کرنڑ دی توفیق عطا ڈیوے اتے وطن کوں حقیقی ترقی تے خوشحالی داگہوارہ بنڑاوے۔تاں جو ایہو اساں ساریاں داا نصب العین ہے۔
اہل وطن کوں عید میلاد النبی دی دلوں مبارخ,صدر مملکت ممنون حسین دا قوم دے ناں پیغام
مضمون کا ماخذ : پاور بال لاٹری
متعلقہ مضامین
