اسلام آباد۔13اگست (اے پی پی):ترجمان دفتر خارجہ زاہد حفیظ چوہدری آکھیے جو پاکستان خطے اچ امن تے خوشحالی دے سانجھے مقصد دے حصول سانگے امریکہ دے ساتھ وسیع الابنیاد تعلقات چاہندے ۔جمعے کوں ہفتہ وار بریفنگ اچ دفتر خارجہ دے ترجمان آکھیے جو پاکستان امریکہ کوں نیڑے دا یار سمجھدے،ݙوہیں ملکاں دے نیڑے سانجھے تعاون دی تاریخ اے ، جیں ݙوہیں ملکاں دے مفا??ات کوں پورا کیتے ، ترجمان آکھیے جو ݙوہیں ملکاں دے افغان امن عمل سودھے ٻہوں سارے اہم امور تے خیالات تے مفا??ات اچ مماثلت پاتی ویندی اے ۔ݙوہیں ملک سمجھدن جو افغان جھیڑے دا کوئی فوجی حل کائنی تے ݙوہیں افغانستان اچ امن ݙیکھݨ چاہندن ۔ترجمان آکھیے جو پاکستان اتے امریکہ ݙوہیں افغان عوام ا??ے افغان حکومتی سرپرستی اچ افغانستان اچ ھک جامع ، وسیع البنیاد اتے جامع سیاسی تصفیے دے عمل دی حمایت کریندن ۔ ترجمان آکھیے جو اساں لین دین دے تعلقات دے بجائے طویل المدتی ، وسیع البنیاد ، جامع اتے سانجھے فیدہ مند شراکت داری قائم کرݨ چاہندن ۔ترجمان واضح کیتے جو پاکستان صرف ایجھے فیصلے تے ایجھیاں پالیسیاں اپنیسی جیڑھا جو اساݙے قومی مفاد اچ ہوون تے جیڑھے خطے اتے ایندے توں ب??ہر امن اتے خوشحالی اچ کردار ادا کرن ۔دوحہ اچ پاکستان ، امریکہ ، چین اتے روس دے خصوصی ایلچیاں سودھے توسیعی ٹرائیکا اجلاس دے حوالے نال ھک سوال دا جواب ݙیندے ہوئیں ترجمان آکھیے جو اجلاس کل 11 اگست کوں دوحا اچ منعقد تھیا ۔توسیعی ٹرائیکا دے اراکین افغانستان اچ سکیورٹی ??ی وڳڑدتی صورتحال اتے ھک جامع سیاسی تصفیے دے حصول اتے افغانستان اچ کئی دہائیاں توں جاری جھیڑے کوں مکاوݨ کیتے بین الافغان امن مذاکرات اچ تیزی گھن آوݨ متعلق امور تے ڳال مہاڑ کیتی ۔
پاکستان خطے اچ امن اتے خوشحالی دے سانجھے مقصد دے حصول سانگے امریکہ دے نال وسیع الابنیاد تعلقات چاہندے ،ترجمان
مضمون کا ماخذ : quina resultados anteriores
متعلقہ مضامین
