اسلام آباد۔20ستمبر(اے پی پی) وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے پریکٹس اینڈ پروسیجر آرڈیننس تے صدر مملکت دستخط کرݙتن ، آرڈیننس توں عدالتی عمل اچ مزید شفافیت آسی ، مقدمیں دی سماعت مقررہ ویلھے تے تھیسی ، جیڑھا کیس پہلے آسی ایندی سݨیج و?? پہلے تھیسی ، ساری اصلاحات عوام دے مفاد کوں سامݨے رکھیندے کیتیاں ڳئن ۔ خصوصی ڳالھ مہاڑ کریندے وفاقی وزیر اطلاعات آکھیے وزیراعظم محمد شہباز شریف دی اڄ چین دے روہی گروپ دے چیئرمین نال ملاقات تھئی ۔ ایں موقع تے حکومت پاکستان اتے چین دے روہی گروپ وچال مفاہمت دی یادداشت تے دستخط تھئن جیں دے تحت روہی گروپ پاکستان اچ ٹیکسٹائل پارکس بݨیسی ۔ انھاں آکھیے روہی گروپ پہلے ہی 21 مہینے دی ریکارڈ مدت اچ سی پیک دے تحت ساہیوال کول پراجیکٹ مکمل کر چکیے۔ وفاقی وزیرآکھیے جو ہݨ روہی گروپ پاکستان دے اندر ٹیکسٹائل پارکس بݨیسی ، اے ٹیکسٹائل پارکس سندھ اتے پنجاب اچ بݨائے ویسن ، انھاں آکھیے وزیراعظم دی موجودگی اچ مفاہمت دی یادداشت تے دستخط تھئن جیں دے تحت چین دا اے وݙا گروپ ٹیکسٹائل پارکس اچ چین دی 100 توں ودھ کمپنیاں کوں ٹیکسٹائل یونٹس لاوݨ دی دعوت ݙیسی ۔وفاقی وزیر اطلاعات آکھیے روہی گروپ پہل?? مرحلے اچ 2 ارب ڈالر دی سرمایہ کاری کریسی جݙاں جو ݙوجھ?? مرحلے اچ 5 ارب ڈالر دی سرمایہ کاری ک??تی ویسی ، مجموعی طور تے 7 ارب ڈالر دی سرمایہ کاری تھیسی۔ ٹیکسٹائل پارکس اچ ہول سیل سینٹرز وی بݨائے ویسن، مقامی طور تے 3 توں 5 لکھ لوکاں کوں روزگار دے موقع ملسن تے پاکستان دی برآمدات وی ودھسن ?? پہلے ہی ساݙی برآمدات اچ 14 فیصد ودھارا تھئے ، کرنٹ اکائونٹ گھٹ ڳئے ، ریکارڈ ترسیلات زر پاکستان آئن ۔ انہاں آکھیے وزیراعظم شہباز شریف معاشی ترقی دا سفر جاری رکھیا ہویا اے۔ وفاقی وزیر آکھیے روہی گروپ دی طرفوں ٹیکسٹائل پارکس بݨݨ نال پاکستان ٹیکسٹائل دا حب بݨ ویسی تے پوری دنیا اچ پاکستان دی ٹیکسٹائل مصنوعات دی برآمدات تھیسن ۔ پریکٹس اینڈ پروسیجرز ایکٹ تے ڳالھ کریندے وفاقی وزیر اطلاعات آکھیے پریکٹس اینڈ پروسیجرز آرڈیننس تے صدر مملکت دستخط کر چکئن ، وفاقی کابینہ سرکولیشن سمری دے ذریعے ایں آرڈیننس دی منظوری ݙتی ہئی ۔ انہاں آکھیے ایں آرڈیننس دے تحت 184(3) اچ آوݨ آلے کیساں دا تحریری طور تے ݙساوݨا ہوسی جو اے عوامی اہمیت دا معاملہ کیوں اے؟، ایں حوالے نال ھک باقاعدہ آرڈر جاری کیتا ویسی جو 184(3) دے تحت کوئی کیس ڳھدا ڳئے تاں ایندے وچ کیا ایجھی ڳالھ اے جو اے عوامی اہمیت رکھݨ آلا کیس اے ، آرڈیننس دے تحت 184(3) دا جیڑھا وی آرڈر سپریم کورٹ پاس کریسی ، ایندے خلاف اپیل دا حق وی ݙتا ڳئے ۔ وفاقی وزیر آکھیے ایں آرڈیننس دے تحت جج صاحبان کیس اچ جیڑھی وی ڳالھ کریسن ، ایندا ٹ??انسکرپٹ لکھیا ویسی تے اے ٹرانسکرپٹ عوام سانڳے دستیاب ہوسی ایں توں عدالتی عمل اچ مزید شفافیت آسی تے لوک باقاعدہ ݙیکھ سڳسن جو کیس اچ کیا ریمارکس پاس کیتے ڳئن ، آئینی پیکیج اچ وی عوام کوں سہولت ݙیوݨ دی ڳالھ ک??تی ڳئی ہئی ،آرڈیننس دے تحت ہر کیس کوں مقررہ ویلھے تے سݨیا ویسی جیڑھا کیس پہلے آسی ایند?? پہلے سݨیج تھیسی ، بعد اچ آوݨ آلے کیس دی سݨیج وی بعد اچ تھیسی اے نہ تھیسی جو بعد اچ آوݨ آلا کیس پہلے سݨیج سانڳے مقرر کر ݙتا ونڄے۔ سپریم کورٹ دے چیف جسٹس دی سربراہی اچ پریکٹس اینڈ پروسیجر ایکٹ دے تحت ھک کمیٹی بݨائی ڳئی ہئی جیں اچ طے کیتا ڳیا ہئی جو چیف جسٹس ایندی قیادت کریسن تے اعلیٰ عدلیہ دا جج اتے تھرڈ سینئر ترین جج ایندے اچ موجود ہوسن تے اے کمیٹی کیس کوں سݨیج سانڳے مقرر کریسی ایندے اچ تبدیلی ک??تی ڳئی اے ، چیف جسٹس کمیٹی دی سربراہی کریسن ، اعلیٰ عدلیہ دے جج ایندے رکن ہوسن تے تریجھے رکن سانڳے چیف جسٹس سپریم کورٹ دے ججاں اچوں کہیں ھک کوں وقتاً فوقتاً رلا گھندے رہسن ، ایندی وجہ اے ہے جو اکثر تریجھے رکن دی عدم دستیابی پاروں کیس تاخیر دا شکار تھی ویندے ہن ۔ انھاں آکھیے 63 اے دا نظرثانی کیس اڄ تئیں التواءدا شکار اے، اے کیس سماعت سانڳے مقرر ہی نی کیتا ڳیا ، اے قومی نوعیت دا معاملہ اے، ایں تے نظرثانی دے حوالے نال کوئی نہ کوئی فیصلہ آونڄݨا چاہیدا ہئی ، اے آئین اتے پارلیمان دی بالادستی اتے ملک اچ انصاف دے نظام کوں یقینی بݨاوݨ سانڳے ضروری اے ، اے ساری اصلاحات اتے ترمیم عوام دے مفاد کوں سامݨے رکھیندے کیتیاں ڳئن تے ایں توں عدالتی عمل مزید شفاف تھیسی ۔ صدر مملکت آرڈیننس تے دستخط کرݙتن جیڑھا اہم سنگ میل اے۔ ایں توں عام پاکستانی دی زندگی اچ بہتری آسی تے عدلیہ اچ التواءدا شکار کیساں کوں نبیݨݨ اچ مدد ملسی جݙاں جو دنیا اچ ساݙی عدلیہ دا رینک وی چنڳاں تھیسی
